ଦଳରେ ଆମୂଳଚୂଳ ପରିବର୍ତ୍ତନ ହେବ: ଶରତ ରାଉତ

ଓଡ଼ିଶାରେ କ୍ଷମତା ହାସଲ ପାଇଁ ଖସଡ଼ା ପ୍ରସ୍ତୁତ କରୁଛି କଂଗ୍ରେସ । ଖୁବଶୀଘ୍ର କଂଗ୍ରେସର ପ୍ରସ୍ତୁତି ସମସ୍ତଙ୍କ ନଜରକୁ ଆସିବ । ଅଧିକ ପଢ଼ନ୍ତୁ

ଭୁବନେଶ୍ବର: ଓଡ଼ିଶାରେ କ୍ଷମତା ହାସଲ ପାଇଁ ଖସଡ଼ା ପ୍ରସ୍ତୁତ କରୁଛି କଂଗ୍ରେସ । ଖୁବଶୀଘ୍ର କଂଗ୍ରେସର ପ୍ରସ୍ତୁତି ସମସ୍ତଙ୍କ ନଜରକୁ ଆସିବ । ଓଡ଼ିଶାରେ କଂଗ୍ରେସକୁ ଅଧିକ ଶକ୍ତିଶାଳୀ ଏବଂ କ୍ରିୟାଶୀଳ କରାଯିବ । ସେନେଇ କଂଗ୍ରେସ କେନ୍ଦ୍ରୀୟ ନେତୃବୃନ୍ଦ ଚୂଡ଼ାନ୍ତ ଖସଡ଼ା ପ୍ରସ୍ତୁତ କରି ସାରିଛନ୍ତି । ଶାସକ ବିଜେଡି ଓ ବିରୋଧୀ ବିଜେପିକୁ କିଭଳି ସାମ୍ନା କରାଯିବ, ସେନେଇ ମଧ୍ୟ ଖୁବଶୀଘ୍ର ପ୍ଲାନ ପ୍ରସ୍ତୁତ ହେବ ବୋଲି କହିଛନ୍ତି କଂଗ୍ରେସ ନେତା ଶରତ ରାଉତ ।

ରାଜ୍ୟ କଂଗ୍ରେସ ପ୍ରଭାରୀ ଚେଲ୍ଲା କୁମାର ଓଡ଼ିଶା ଆସୁଛନ୍ତି । ଦଳରେ ଆମୂଳଚୂଳ ପରିବର୍ତ୍ତନ ହେବ । ପ୍ରଥମେ ଓଡ଼ିଶା ପାଇଁ ସେ ଜଣେ ଭଲ ସଭାପତି ବାଛିବେ । ହାଇକମାଣ୍ଡ ଜଣେ ଦକ୍ଷନେତାଙ୍କୁ ପିସିସି ମୁଖ୍ୟ ଦାୟିତ୍ବ ଦେବେ । ଖାଲି ପିସିସି ସଭାପତି ପରିବର୍ତ୍ତନ ହେବ ତା ନୁହେଁ ବିଧାୟକ ଦଳ ନେତା ମଧ୍ୟ ସେଥିରେ ପରିସର ଭୁକ୍ତ ଅଛନ୍ତି ବୋଲି କହିଛନ୍ତି ଶରତ ରାଉତ ।

ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ