ଭୁବନେଶ୍ବର: କୋରୋନା ସଂକ୍ରମଣ ବୃଦ୍ଧିକୁ ଆଖିଆଗରେ ରଖି ରାଜ୍ୟ ସରକାର ରାଜ୍ୟବ୍ୟାପୀ ୧୪ ଦିନିଆ ଲକଡାଉନ ଜାରି କରିଛନ୍ତି । ସରକାରଙ୍କ ଏହି ନିଷ୍ପତ୍ତିକୁ ବ୍ୟବସାୟୀ ମହାସଂଘ ପକ୍ଷରୁ ସ୍ବାଗତ କରାଯାଇଛି । କିନ୍ତୁ ଅନ୍ୟ ଏକ ସମସ୍ୟାକୁ ସରକାରଙ୍କ ସମ୍ମୁଖକୁ ଆଣିଛି ସଂଘ । ସଂଘ କହିଛି ରାଜ୍ୟର ଜରୁରୀ ସାମଗ୍ରୀ ଗଚ୍ଛିତ ରହିବା ସହ ପରିବହନ ବ୍ୟବସ୍ଥାରେ କୈଣସି ଅସୁବିଧା ନାହିଁ । କ୍ଷୁଦ୍ର ବ୍ୟବସାୟ କେମିତି ହୋଲସେଲରଙ୍କ ପାଖରୁ ସାମଗ୍ରୀ ଆଣିବେ ସରକାର ସ୍ପଷ୍ଟ କରିନାହାନ୍ତି । ଫଳରେ ବ୍ୟବସାୟ ହଇରାଣ ହେବାକୁ ଯାଉଛନ୍ତି ।
ସେହିପରି ପ୍ରତ୍ୟେକ ଦୋକାନୀ ସରକାରଙ୍କ ଏସଓପି ମାନିବେ । କଳାବଜାରୀ ହେବନାହିଁ ବୋଲି ଆମେ ସମସ୍ତ ବ୍ୟବସାୟ ମାନଙ୍କୁ ଚିଠି ମାଧ୍ୟମରେ ଜଣାଇଛୁ । କୈଣସି ବ୍ୟବସାୟୀ ଏପରି ସମୟରେ ଗ୍ରାହକଙ୍କ ଠାରୁ ଅଧିକ ଟଙ୍କା ନେବେ ନାହିଁ । ଯଦି ସେମାନେ ଅଧିକ ଦରରେ କିଣିବେ ଅଧିକରେ ବିକିବେ ବୋଲି କହିଛନ୍ତି ବ୍ୟବସାୟ ମହାସଂଘର ସଭାପତି ସୁଧାକର ପଣ୍ଡା । ତେବେ ଆବଶ୍ୟକ ପରିମାଣର ସାମଗ୍ରୀ ବଜାରରେ ମହଜୁଦ ଅଛି । ସାଧାରଣ ଖାଉଟି ଆଦୌ ଚିନ୍ତିତ ହେବା ଆବଶ୍ୟକ ନାହିଁ । ପର୍ଯ୍ୟାପ୍ତ ପରିମାଣର ସମଗ୍ରୀର ଉପଲବ୍ଧତା ଥିବା ଯୋଗୁ କଳା ବାଜାରୀ ହେବାର ଆଶଙ୍କା ମଧ୍ୟ କରିବା ଉଚିତ ନୁହେଁ ବୋଲି ମଧ୍ୟ କହିଛନ୍ତି ବ୍ୟବସାୟୀ ମହାସଂଘର ସଭାପତି ।
ଭୁବନେଶ୍ବରରୁ ତପନ କୁମାର ଦାସ,ଇଟିଭି ଭାରତ
