ଭୁବନେଶ୍ବର: ବ୍ରିଟେନ ଫେରନ୍ତାଙ୍କ ତଥ୍ୟ ଦେଲେ ସରକାର । ବ୍ରିଟେନରୁ ଓଡିଶା ଫେରିଥିବା 43 ଜଣଙ୍କ ସବିଶେଷ ତଥ୍ୟ ଦେଇଛନ୍ତି ରାଜ୍ୟ ସରକାର ।
ଗତ 14 ଦିନ ମଧ୍ୟରେ ବ୍ରିଟେନରୁ ଫେରିଥିବା ଲୋକଙ୍କ ତଥ୍ୟ ଦେଲେ ସରକାର । ରାଜ୍ୟର ସମସ୍ତ ଜିଲ୍ଲାପାଳ ଓ ସିଡିଏମଓଙ୍କୁ ତାଲିକା ଦେଲେ ସ୍ବାସ୍ଥ୍ୟ ଏସିଏସ ।
ବ୍ରିଟେନ ଫେରନ୍ତାଙ୍କ କ୍ଷେତ୍ରରେ ଚିହ୍ନଟ ହୋଇଥିବା ନୂଆ ଭାଇରସ ରାଜ୍ୟ ସରକାରଙ୍କ ନିଦ ହଜାଇ ଦେଇଛି । ବିଶେଷ କରି ବ୍ରିଟେନ ଫେରନ୍ତାଙ୍କ ଚିହ୍ନଟ, ସଙ୍ଗରୋଧ, ଟେଷ୍ଟିଂ ଓ ଚିକିତ୍ସା ଉପରେ ଅଧିକ ଗୁରୁତ୍ବ ଦିଆଯାଇଛି ।
କିଭଳି ପଦକ୍ଷେପ ଗ୍ରହଣ କରିବାକୁ ପଡିବ ସେନେଇ ସବୁ ଜିଲ୍ଲାପାଳ, ସିଡିଏମଓ, ମ୍ୟୁନିସିପାଲଟି କମିଶନରଙ୍କୁ ଚିଠି ଲେଖିଛନ୍ତି ସ୍ବାସ୍ଥ୍ୟ ବିଭାଗ ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ ମହାପାତ୍ର ।
ଟେଷ୍ଟିଂ ଓ ଗବେଷଣା ପାଇଁ ଭୁବନେଶ୍ବର ଇନଷ୍ଟିଚ୍ୟୁଟ ଅଫ ଲାଇଫ ସାଇନ୍ସକୁ ମାନ୍ୟତା ଦେଇଛି କେନ୍ଦ୍ର । ତେବେ ସବୁ ସ୍ତରରେ ଚିହ୍ନଟ କରିବା ଓ ସଙ୍ଗରୋଧ କରିବା ଉପରେ ଜୋର ଦିଆଯାଇଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
