ଭୁବନେଶ୍ବର: ଆଗକୁ ଶୀତଋତୁ ଆସୁଥିବାରୁ ରାଜଧାନୀରେ କରୋନାର ମୁକାବିଲା ପାଇଁ ବିଏମସି ପ୍ରସ୍ତୁତ ରହିଛି । ଏନେଇ ବିଏମସି କମିଶନର ପ୍ରେମଚନ୍ଦ୍ର ଚୌଧୁରୀ ସୂଚନା ଦେଇଛନ୍ତି । ବର୍ତ୍ତମାନ ରାଜଧାନୀର ବିଭିନ୍ନ ଜନଗହଳିପୂର୍ଣ୍ଣ ସ୍ଥାନରେ ଏନଫୋର୍ସମେଣ୍ଟ ଜାରି ରହି ଥିବାବେଳେ ସଚେତନତା କର୍ଯ୍ୟକ୍ରମ ମଧ୍ୟ ଚାଲୁଛି ବୋଲି ସେ କହିଥନ୍ତି ।
ରାଜଧାନୀରେ ବିଭିନ୍ନ ହସ୍ପିଟାଲରେ ମଧ୍ୟ ବେଡ୍ ସଂଖ୍ୟା ବୃଦ୍ଧି କରାଯାଇଛି । ଆଗକୁ ଧନତେରାସ୍ ଆସୁଥିବାରୁ ତିନୋଟି ଜୋନର ଜେଡିସିମାନେ ନିଜ ନିଜ ଅଞ୍ଚଳର ଗହଣା ଦୋକାନ ଉପରେ ନଜର ରଖିଛନ୍ତି । ଏଥିସହ ଆଜି(ମଙ୍ଗଳବାର) ହୋଟେଲ ଏବଂ କଲ୍ୟାଣମଣ୍ଡପ ଆସୋସିଏସନ ସହ ବିଏମସି କଥା ହେଇଛି । ସେହିପରି ବାହାଘର ସିଜିନ୍ ଆସୁଥିବାରୁ କିଭଳି ମଣ୍ଡପରେ ଭିଡ ନିୟନ୍ତ୍ରଣ ହେବ ସେନେଇ ମଧ୍ୟ ବିଏମସି ଗୁରୁତ୍ୱ ଦେଇ ଖୁବଶୀଘ୍ର ଏକ ନୂଆ ଗାଇଡ୍ ଲାଇନ ଅଣାଯିବ । ତେବେ ବିଏମସି ପ୍ରେମଚନ୍ଦ୍ର ଚୌଧୁରୀ କହିଛନ୍ତି ଯେ, "ଆମେ ରିକ୍ସ ନେବା ମୁଡରେ ନାହୁଁ । କୋରୋନା ମୁକାବିଲା ପାଇଁ ସମ୍ପୁର୍ଣ୍ଣ ପ୍ରସ୍ତୁତ ରହିଛୁ ।"
ଭୁବନେଶ୍ବରରୁ ସଞ୍ଜିବ କୁମାର ରାୟ, ଇଟିଭି ଭାରତ
