ଭୁବନେଶ୍ବର: ରାଜଧାନୀରେ ବଢୁଛି ଲୁଟେରାଙ୍କ ଆତଙ୍କ । ନିଛାଟିଆ ଦେଖି ସ୍କୁଟିରେ ଆସୁଥିବା ଜଣେ ଯୁବତୀଙ୍କର ମୋବାଇଲ ଫୋନ ଛଡ଼ାଇବାବେଳେ ଯୁବତୀ ଜଣଙ୍କ ତଳେ ପଡି ଗୁରୁତର ଆହତ ହୋଇଛନ୍ତି । ଭୁବନେଶ୍ବର ରସୁଲଗଡ କେନାଲ ରୋଡରେ ଦେଖିବାକୁ ମିଳିଛି ଏପରି ଘଟଣା ।
ସୂଚନାନୁଯାୟୀ, ରସୁଲଗଡ କେନାଲ ରୋଡରେ ଯୁବତୀ ଜଣକ ପଳାଶୁଣୀ ଆଡକୁ ଯାଉଥିବାବେଳେ ପଛପଟୁ କଳା ପଲସରରେ ଜଣେ ଲୁଟେରା ଆସି ତାଙ୍କ ମାୋବାଇଲ ନେବାକୁ ଉଦ୍ୟମ କରିଥିଲେ । ଫଳରେ ଯୁବତୀ ଜଣକ ଭାରସାମ୍ୟ ହରାଇ ତଳେ ପଡି ଗୁରୁତର ଆହତ ହୋଇଛନ୍ତି ।