ଭୁବନେଶ୍ବର: ଦକ୍ଷିଣ ପୂର୍ବ ବଙ୍ଗୋପସାଗରରେ ସୃଷ୍ଟ ଲଘୁଚାପ ଆସନ୍ତା 48 ଘଣ୍ଟା ଭିତରେ ଅଧିକ ଘନୀଭୂତ ହୋଇ ଗଭୀର ଅବପାତର ରୂପ ନେବ । ଏହା ପଶ୍ଚିମ ଦିଗରେ ଗତି କରିବ । ତେବେ ଓଡିଶା ଉପରେ ଏହାର ପ୍ରଭାବ ପଡିବ ନାହିଁ ବୋଲି ପୂର୍ବାନୁମାନ କରିଛି ଭୁବନେଶ୍ବର ଆଞ୍ଚଳିକ ପାଣିପାଗ କେନ୍ଦ୍ର ।
ଆସନ୍ତା 48 ଘଣ୍ଟା ମଧ୍ୟରେ ରାଜ୍ୟରେ ସର୍ବନିମ୍ନ ତାପମାତ୍ରା 3 ରୁ 4 ଡିଗ୍ରୀ ଖସିବ । ଏହାସହ 24 ଘଣ୍ଟା ଅର୍ଥାତ ରବିବାର ମଧ୍ୟରେ ଦକ୍ଷିଣ ଉପକୂଳ ଓ ଦକ୍ଷିଣ ଆଭ୍ୟନ୍ତରୀଣ ଜିଲ୍ଲାରେ ସ୍ବଳ୍ପ ଧରଣର ବର୍ଷା ସମ୍ଭାବନା ରହିଛି ।
କଳାହାଣ୍ଡି, ସୋନପୁର, ସୁନ୍ଦରଗଡ, କନ୍ଧମାଳ, ଝାରସୁଗୁଡା, କେନ୍ଦୁଝରରେ ସାମାନ୍ୟ କୁହୁଡି ଦେଖାଦେବ । ଭୁବନେଶ୍ବରରେ ମଧ୍ୟ ତାପମାତ୍ରା ତଳକୁ ଖସିବ ।
ଗତ 324 ଘଣ୍ଟା ଭିତରେ କୋରାପୁଟରେ ସ୍ବଳ୍ପ ବର୍ଷା ରେକର୍ଡ କରାଯାଇଛି । ରାଜ୍ୟର ପାଞ୍ଚଟି ସ୍ଥାନରେ 15 ଡିଗ୍ରୀ ତଳେ ତାପମାତ୍ରା ରହିଛି । ସୋନପୁରରେ 11, ଦାରିଙ୍ଗବାଡିରେ 14.0, କୋରାପୁଟ 14.6, ଭବାନୀପାଟଣାରେ 15.0, ଫୁଲବାଣୀରେ 14.5 ଡିଗ୍ରୀ ତାପମାତ୍ରା ରେକର୍ଡ କରାଯାଇଛି ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
