ଭୁବନେଶ୍ବର: ରାଜ୍ୟର ବିଦ୍ୟୁତ ବିତରକ କମ୍ପାନୀ ସେସୁକୁ ବିଧିବଦ୍ଧ ଭାବରେ ଟାଟା ପାୱାର ପରିଚାଳନା କରିବ । ଆସନ୍ତା ଜୁନ ପହିଲାରୁ ଏହା ଲାଗୁ ହେବ । ଏ ନେଇ ସବୁ ପ୍ରକ୍ରିୟା ଶେଷ ହୋଇଛି। ଏହାରି ଭିତରେ କମ୍ପାନୀର ନୂଆ ସିଇଓ ଦାୟିତ୍ୱ ନେବେ ।
ବର୍ତ୍ତମାନର ସିଇଓ ଆଇପିଏସ ଅରୁଣ ବୋଥ୍ରା ସେସୁରୁ ବିଦାୟ ନେଇଛନ୍ତି । ବୋଥ୍ରାଙ୍କୁ ରାଜ୍ୟ ସଡକ ପରିବହନ ନିଗମର ସିଏମଡି ଦାୟିତ୍ବ ମିଳିଛି । ଏଥିସହିତ ସେ କ୍ରୁଟ ଏମଡି ବି ରହିବେ । ଯେହେତୁ ସେସୁରେ ଟାଟା ପାୱାରର 51 ପ୍ରତିଶତ ଅଂଶଧନ ରହିଛି, ତେଣୁ କମ୍ପାନୀ ତାର ସିଇଓ ନିଯୁକ୍ତ କରିବ ।
ସେହିପରି ଅର୍ଥ ବିଭାଗର ଜଣେ ଅଧିକାରୀଙ୍କୁ ସରକାର ପୂର୍ବରୁ ନିଯୁକ୍ତି ଦେଇଥିଲେ । କିଶୋର କୁମାର ନାୟକ ସେସୁର ବିତ୍ତୀୟ ଅଧିକାରୀ ଥିଲେ । ତାଙ୍କୁ ବିଭାଗ ଫେରାଇ ନେଇଛି । ଏନେଇ ବିଜ୍ଞପ୍ତି ପ୍ରକାଶ ପାଇଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
