ଭୁବନେଶ୍ବର: ରାଜ୍ୟରେ ଖସୁଛି ତାପମାତ୍ରା,ବଢୁଛି ଶୀତ । ଆଜି ସବୁଠାରୁ ଶୀତଳ ସହରର ପାଲଟିଲା ସୁବର୍ଣ୍ଣପୁର ସହର । ସହରରେ 11.8 ଡିଗ୍ରୀ ସେଲସିୟସ ତାପମାତ୍ରା ରେକର୍ଡ କରାଯାଇଛି । ରାଜ୍ୟର ଅନ୍ୟ 5 ସହରରେ 15 ଡିଗ୍ରୀରୁ ତଳେ ରହିଛି ତାପମାତ୍ରା ।
ଉତ୍ତର ଏବଂ ଉତ୍ତର-ପଶ୍ଚିମ ଦିଗରୁ ଥଣ୍ଡା ଏବଂ ଶୁଷ୍କ ବାୟୁ ଓଡିଶା ମଧ୍ୟକୁ ପ୍ରବେଶ କରିଥିବାରୁ ଉତ୍ତର ଓଡିଶାର ଜିଲ୍ଲାଗୁଡିକରେ ଦିନର ସର୍ବନିମ୍ନ ତାପମାତ୍ରା 2ରୁ 3 ଡିଗ୍ରୀ ସେଲସିୟସ ଖସିବାର ସମ୍ଭାବନା ରହିଛି । ଦକ୍ଷିଣ ଓଡିଶାର ଜିଲ୍ଲାଗୁଡିକରେ ୩ ରୁ ୪ ଡିଗ୍ରୀ ତଳକୁ ଖସିବାର ଆଶଙ୍କା କରାଯାଉଛି |
ସେପଟେ ଅନୁଗୁଳରେ 12.6, ଦାରିଙ୍ଗବାଡିରେ ୧୪.୦ , ଝାରସୁଗୁଡାରେ ୧୪.୧ ଏବଂ କେନ୍ଦୁଝରରେ ୧୫.୦ ଡିଗ୍ରୀ ସେଲସିୟସ ରହିଛି | ଭୁବନେଶ୍ବରରେ ବର୍ତ୍ତମାନ ୨୦.୬ ତାପମାତ୍ରା ରେକର୍ଡ ହୋଇଛି । ସେହିପରି କଟକ ରେ ୧୯ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି । ତେବେ ଆଗକୁ ତାପମାତ୍ରା ଆହୁରି ଅଧିକ ଖସିବା ସହ ରାଜ୍ୟରେ ଅଧିକ ଶୀତ ଅନୁଭୂତ ହେବ ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
