ଭୁବନେଶ୍ବର: ଗ୍ଯାସ ଦରବୃଦ୍ଧି ପ୍ରତିବାଦରେ ଛାତ୍ର କଂଗ୍ରେସର ବିକ୍ଷୋଭ । ଭୁବନେଶ୍ବର କଂଗ୍ରେସ କାର୍ଯ୍ୟାଳୟରୁ ରାମ ମନ୍ଦିର ଯାଏଁ ପ୍ରତିବାଦ ରାଲି କଲା । ଏଥିସହ ପ୍ରଧାନମନ୍ତ୍ରୀଙ୍କ କୁଶ ପୁତ୍ତଳିକା ଦାହ କରିଛନ୍ତି ଛାତ୍ର କଂଗ୍ରେସ କର୍ମୀ । ବିକ୍ଷୋଭସ୍ଥଳରେ ପୋଲିସ ପହଞ୍ଚି କଂଗ୍ରେସ କର୍ମୀଙ୍କୁ ଅଟକ ରଖିଥିବା ସୂଚନା ।
ଆଜି(ମଙ୍ଗଳବାର) ଭୁବନେଶ୍ବରରେ ଗ୍ୟାସ ଦରବୃଦ୍ଧି ପ୍ରତିବାଦରେ ବିକ୍ଷୋଭ ପ୍ରଦର୍ଶନ କରିଛନ୍ତି କଂଗ୍ରେସ କର୍ମୀ । ବିଜେପି ଶାସନକୁ ଆସିବା ପରେ ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ଦର ଆକାଶକୁ ଛୁଇଁଥିବା ବିକ୍ଷୋଭକାରୀ କଂଗ୍ରେସ କର୍ମୀ ଅଭିଯୋଗ କରିଛନ୍ତି । ଏଥିସହ କେବଳ ଯେ, ଗ୍ଯାସ ନୁହେଁ ଡାଲି ଠୁ ନେଇ ତେଲ ସବୁ ଦାମ ବଢିଛି । ଆଗାମୀ ଦିନରେ ହାଣ୍ଡିଶାଳରେ କେନ୍ଦ୍ର ବିରୋଧରେ ଲଢେଇ ଆରମ୍ଭ ହେବ ବୋଲି କହିଛି ଛାତ୍ର କଂଗ୍ରେସ । ଦରବୃଦ୍ଧି ନିଷ୍ପତ୍ତିରୁ କେନ୍ଦ୍ର ସରକାର ନ ଓହରିଲେ ଆଗାମୀ ଦିନରେ ଓଡିଶାକୁ କେନ୍ଦ୍ର ମନ୍ତ୍ରୀ ଆସିଲେ ବିରୋଧ ହେବା ସହ ଅଣ୍ଡା ମାଡ କରିବ ବୋଲି ଚେତାବନୀ ଦେଇଛି ଛାତ୍ର କଂଗ୍ରେସ ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
