ଭୁବନେଶ୍ବର: ବନ୍ଯପ୍ରାଣୀ ଶିକାର ନିରୋଧ ପାଇଁ ଜାରି ହେଲା ହେଲପଲାଇନ ନମ୍ବର । ଏସଟିଏଫ ଜାରି କଲା ସ୍ବତନ୍ତ୍ର ହେଲପଲାଇନ ନମ୍ବର ୯୪୩୯୨୬୩୬୪୬ । ଏହି ନମ୍ବରକୁ କଲ କରି ବନ୍ଯପ୍ରାଣୀ ଶିକାର ସମ୍ପର୍କରେ ସୂଚନା ଦେଇପାରିବେ। ରାଜ୍ଯରେ ବନ୍ଯପ୍ରାଣୀଙ୍କ ଛାଲ ସମେତ ହାତୀ ଦାନ୍ତ ଓ ବଜ୍ରକାପ୍ତା ଭଳି ଜନ୍ତୁ ଶିକାର କରୁଛନ୍ତି ବନ୍ଯପ୍ରାଣୀ ତସ୍କର । ଏହାକୁ ରୋକିବା ପାଇଁ ଯଦି କେହି ଏହି ନମ୍ବରରେ ଖବର ଦିଅନ୍ତି ସେମାନଙ୍କ ନାମ ଗୋପନ ରଖାଯିବ ଓ ପରବର୍ତ୍ତୀ ପର୍ଯ୍ୟାୟରେ ତାଙ୍କୁ ସମ୍ମାନିତ କରାଯିବ।
ତେବେ ବିଗତ ଏକ ବର୍ଷ ମଧ୍ଯରେ ୧୨ ବାଘ ଛାଲ ସହ ୬ଟି ହାତୀ ଦାନ୍ତ, ୨ଟି ହରିଣ ଛାଲ, ୨ଟି ବଜ୍ରକାପ୍ତା ସମେତ ୫ କେଜିର ବଜ୍ରକାପ୍ତା କାତି ଜବତ ହୋଇଛି । ଏହାସହ ୧୩ଟି କେସରେ ୨୪ ଜଣଙ୍କୁ ଗିରଫ କରିଛି ଏସଟିଏଫ ଟିମ । ଏହାକୁ ନେଇ ବନ୍ଯଜନ୍ତୁ ପ୍ରାଣୀ ଶିକାର ରୋକିବା ରାଜ୍ୟ ସରକାରଙ୍କ ପାଇଁ ଏକ ବଡ ଚ୍ୟାଲେଞ୍ଜ ହୋଇଛି । ତେବେ ନିକଟରେ ୧ ଲିଟର ସାପ ବିଷ ଜବତ ମଧ୍ଯ କରିଥିଲା ସିଟି ଫରେଷ୍ଟ ଡିଭିଜନ, ଯାହା ବନବିଭାଗ ପାଇଁ ଏକ ବଡ ଚ୍ୟାଲେଞ୍ଜ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
