ଭୁବନେଶ୍ବର: କୋଷ୍ଟାଲ ହାଇଓ୍ଵେକୁ ରାଜ୍ୟ ସରକାରଙ୍କ ଗ୍ରୀନ ସିଗିନାଲ। ପ୍ରାୟ ଦୁଇ ବର୍ଷ ଧରି ରାଜ୍ୟ ଓ କେନ୍ଦ୍ର ମଧ୍ୟରେ ଲୁଚାଛପା ପରେ ଏବେ ଏହି ପ୍ରକଳ୍ପକୁ ମଞ୍ଜୁରୀ ମିଳିଛି । ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ଏହି ନିଷ୍ପତ୍ତି ହୋଇଛି । ସାତପଡାରୁ ଦୀଘା ଏବଂ ଗୋପାଳପୁରରୁ ରତନପୁର କାମ ଆରମ୍ଭ କରିବାକୁ ଏନଏଚଏଆଇକୁ ନିର୍ଦ୍ଦେଶ ଦିଆଯାଇଛି ।
ଜାତୀୟ ରାଜପଥ କର୍ତ୍ତୃପକ୍ଷ ଯେଉଁ ଡିଜାଇନ କରିଛନ୍ତି ସେହି ଅନୁସାରେ ଏହି ହାଇଓ୍ଵେ ନିର୍ମାଣ କରାଯିବ । ରାସ୍ତା ନିର୍ମାଣ ପାଇଁ ଆବଶ୍ୟକୀୟ ଅନୁମତି ପାଇଁ ଜାତୀୟ ରାଜପଥ କର୍ତ୍ତୃପକ୍ଷ ଆବେଦନ କରିବା ପାଇଁ ରାଜ୍ୟ ସରକାର କହିଛନ୍ତି । ତେବେ ଗୋପାଳପୁରରୁ ରତନପୁର ଏବଂ ବାସୁଦେବପୁରରୁ ଦୀଘା ରାସ୍ତା ଯାହା ଚିଲିକା ହ୍ରଦ ଏବଂ ଅନ୍ୟ ଇକୋ ସେସସିଟିଭ ଜୋନ ଦେଇଯାଇଛି ସେ ବିଷୟରେ ପରିବେଶ ମନ୍ତ୍ରଣାଳୟ ସହ ଆଲୋଚନା ହୋଇ ଚୂଡାନ୍ତ ନିଷ୍ପତ୍ତି ନିଆଯାଇଛି ।
ଏହା ଉପରେ ବିଭିନ୍ନ ରାଜନୈତିକ ଦଳ ସେମାନଙ୍କ ପ୍ରତିକ୍ରିୟା ରଖିଛନ୍ତି । କୋଷ୍ଟାଲ ହାଇଓ୍ଵେ ହେଲେ ରାଜ୍ୟକୁ ବିଦେଶୀ ପର୍ଯ୍ୟଟକଙ୍କ ସଂଖ୍ୟା ବଢ଼ିବା ସହ ବ୍ୟବସାୟ ବୃଦ୍ଧିପାଇବ ବୋଲି ବିଜେଡି କହିଥିବା ବେଳେ ବିଜେପି ରାଜ୍ୟ ସରକାରଙ୍କ ବିଳମ୍ବିତ ନିଷ୍ପତ୍ତିକୁ ନେଇ ଭର୍ତ୍ସନା କରିଛି।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
