ଭୁବନେଶ୍ବର: ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ରାଜ୍ୟ ନିର୍ବାଚନ କମିଶନଙ୍କ ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି । ସେପଟେ ବୈଧ ବାଲଟ ପେପର ନେଇ ସ୍ପଷ୍ଟୀକରଣ ରଖିଛନ୍ତି ରାଜ୍ୟ ନିର୍ବାଚନ ଆୟୋଗ । ଭୋଟର ମାନେ କିପରି ଭୋଟ ଦେବେ ସେ ନେଇ ଉଦାହରଣ ସହ ଅବଗତ କରାଇଛନ୍ତି ନିର୍ବାଚନ କମିଶନଙ୍କ ସଚିବ ରବୀନ୍ଦ୍ର ନାଥ ସାହୁ ।
ଆଜି(ସୋମବାର) 11 ଜିଲ୍ଲାକୁ ପୋଲିଂ ପାର୍ଟି ଯାଇଥିବା ବେଳେ ଆସନ୍ତାକାଲି 19ଟି ଜିଲ୍ଲାକୁ ପୋଲିଂ ପାର୍ଟି ଯିବେ । 16 ତାରିଖ ଦିନ ସକାଳ 7ରୁ 1 ଟା ପର୍ଯ୍ୟନ୍ତ ଭୋଟ ଗ୍ରହଣ କରାଯିବ ଏବଂ ଭୋଟର ମାନେ କିପରି ଭୋଟ ଦେବେ ସେ ନେଇ ଅବଗତ କରାଇଛନ୍ତି ନିର୍ବାଚନ କମିଶନଙ୍କ ସଚିବ ରବୀନ୍ଦ୍ର ନାଥ ସାହୁ । ଭୋଟ ଗଣତି ବେଳେ ବୈଧ ବାଲଟ ପେପର ନେଇ ଆୟୋଗ ପକ୍ଷରୁ ସବୁ ଜିଲ୍ଲାପାଳଙ୍କୁ ଚିଠି ଲେଖାଯାଇଛି ।
ପ୍ରତିଦ୍ବନ୍ଦିତା କରୁଥିବା ଏକାଧିକ ପ୍ରାଥିଙ୍କୁ ଭୋଟ ଦେଲେ ତାହା ନାକଚ ହେବା ଯୋଗ୍ୟ ବୋଲି ପଞ୍ଚାୟତ ନିର୍ବାଚନ ଆଇନରେ ଥିବା ଚିଠିରେ ଉଲ୍ଲେଖ ରହିଛି । 10 ଚିହ୍ନ ବିଶିଷ୍ଟ ବାଲଟ ପେପର ବ୍ୟବହାର ହେଉଥିବାରୁ ଯେଉଁ ଚିହ୍ନରେ କେହି ପ୍ରାର୍ଥୀ ନ ଥିବେ ଏବଂ ତାହା ଫୋଲଡ଼ ହୋଇ ରହିଥିବ ସେହି ଚିହ୍ନରେ ଯଦି ମତଦାତା ଭୋଟ ଦେଇଥିବେ, ତେବେ ତାହା ନାକଚ ହେବ ନାହିଁ । କାରଣ ସେ ଚିହ୍ନରେ କେହି ପ୍ରାର୍ଥୀ ପ୍ରତଦ୍ବନ୍ଦିତା କରୁନାହାନ୍ତି । ଏଣୁ ତାହା ନାକଚ ହେବ ନାହିଁ ବୋଲି ଭିଡ଼ିଓ ମାଧମରେ ଅବଗତ କରାଇଛନ୍ତି ସଚିବ ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
