ଭୁବନେଶ୍ବର: ଆସନ୍ତା ରାଜ୍ୟସଭା ନିର୍ବାଚନ ପାଇଁ ତ୍ବାରାନ୍ବିତ ହୋଇଛି ପ୍ରକ୍ରିୟା । ନିର୍ବାଚନ ଲାଗି ରିଟର୍ଣ୍ଣିଂ ଅଫିସର ଓ ଆସିଷ୍ଟାଣ୍ଟ ରିଟର୍ଣ୍ଣିଂ ଅଫିସର ନିଯୁକ୍ତ ହୋଇଛନ୍ତି । ବିଷ୍ଣୁପ୍ରସାଦ ମିଶ୍ରଙ୍କୁ ରିଟର୍ଣ୍ଣିଂ ଅଫିସର ଓ ଗଙ୍ଗାଧର ମଲ୍ଲିକଙ୍କୁ ଆସିଷ୍ଟାଣ୍ଟ ରିଟର୍ଣ୍ଣିଂ ଅଫିସର ଭାବେ ନିଯୁକ୍ତି ଦେଇଛନ୍ତି ନିର୍ବାଚନ କମିଶନ । ଜୁଲାଇ ସୁଦ୍ଧା ରାଜ୍ୟସଭା ନିର୍ବାଚନ ଶେଷ ହେବ ।
ସାଂସଦ ଏନ ଭାସ୍କର ରାଓ, ପ୍ରସନ୍ନ ଆଚାର୍ଯ୍ୟ ଓ ସସ୍ମିତ ପାତ୍ରଙ୍କର କାର୍ଯ୍ୟକାଳ ଶେଷ ହେଉଛି । ଭାସ୍କର ରାଓ ଓ ପ୍ରସନ୍ନ ଆଚାର୍ଯ୍ୟ ୩ ଜୁନ ୨୦୧୬ ରେ ରାଜ୍ୟସଭାକୁ ନିର୍ବାଚିତ ହୋଇଥିଲେ । ସେମାନଙ୍କ କାର୍ଯ୍ୟକାଳ ୨ ଜୁନ ୨୦୨୨ ରେ ଶେଷ ହେବ । ସେହିପରି ସସ୍ମିତ ପାତ୍ର ୨୮ ଜୁନ ୨୦୧୯ ରେ ବାଇ-ଇଲେକ୍ସନ ଜରିଆରେ ରାଜ୍ୟସଭା ଯାଇଥିଲେ । ପ୍ରଥମେ ଏହି ଆସନରେ ସ୍ବର୍ଗତ ବିଷ୍ଣୁଚରଣ ଦାସ ୩ ଜୁନ ୨୦୧୬ ରେ ନିର୍ବାଚିତ ହୋଇଥିଲେ ।
ଏହାପରେ ୧୮ ମେ ୨୦୧୭ ରେ ତାଙ୍କ ସ୍ଥାନରେ ଯାଇଥିଲେ ପ୍ରତାପ କେଶର ଦେବ । ତାଙ୍କ ପରେ ୨୮ ଜୁନରେ ୨୦୧୯ ରେ ସସ୍ମିତ ପାତ୍ର ସେହି ଆସନକୁ ପୁନଃ ନିର୍ବାଚିତ ହୋଇଥିଲେ ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
