ଭୁବନେଶ୍ବର: ରାଜଧାନୀର ହାଇ ପ୍ରୋଫାଇଲ ଇଲାକାରେ ଚାଞ୍ଚଲ୍ୟ। ଦିନ ଦ୍ବିପ୍ରହରରେ ନୟାପଲ୍ଲୀ ଥାନା ଅନ୍ତର୍ଗତ ପାସପୋର୍ଟ ଅଫିସ ସାମ୍ନାରେ ହୋଇଛି ଛୁରାମାଡ । ଦୁଇଜଣ ଦୁର୍ବୃତ୍ତ ବାଇକରେ ଆସି ଗଡସାହି ନୟାପଲ୍ଲୀର ଅଭିମନ୍ୟୁ ନାୟକକୁ ଆକ୍ରମଣ କରିଛନ୍ତି।
ଭିଡିଓ ସୌଜନ୍ୟ- ସମ୍ବାଦଦାତା, ଭୁବନେଶ୍ବର
ବାଇକର ପଛରେ ବସିଥିବା ଯୁବକଟି ହଠାତ ଗାଡିରୁ ଓହ୍ଲାଇ ଅଭିମନ୍ୟୁଙ୍କ ପେଟ, ଛାତିକୁ ଓ ହାତକୁ ଛୁରାମାଡ କରିଛି। ଫଳରେ ସ୍ଥାନୀୟ ପାସପୋର୍ଟ ଅଫିସ ଅଞ୍ଚଳରେ ଉପସ୍ଥିତ ଲୋକଙ୍କ ମଧ୍ୟରେ ଏକ ପ୍ରକାର ଭୟ ସୃଷ୍ଟି ହୋଇଛି। ତେବେ କେଉଁ କାରଣରୁ ଛୁରାମାଡ ହୋଇଛି ତାହା ଜଣାପଡିନାହିଁ ।
ଅନ୍ୟପଟେ ଅଭିମନ୍ୟୁ ଗୁରୁତର ଆହତ ହୋଇଥିବା ବେଳେ ପ୍ରଥମେ ତାଙ୍କୁ କ୍ୟାପିଟାଲ ହସ୍ପିଟାଲ ଓ ପରେ ଏସସିବିକୁ ସ୍ଥାନାନ୍ତର କରାଯାଇଛି ।
ଭୁବନେଶ୍ବରରୁ ତାପସ କୁମାର ପରିଡା, ଇଟିଭି ଭାରତ
