ଭୁବନେଶ୍ବର: ରାଜ୍ୟର 9ଟି ବନ୍ୟା ପ୍ରଭାବିତ ଜିଲ୍ଲାକୁ ସ୍ବତନ୍ତ୍ର ରିଲିଫ କମିଶନରଙ୍କ ଚିଠି । ଅଗଷ୍ଟ 17 ସୁଦ୍ଧା କ୍ଷୟକ୍ଷତିର ରିପୋର୍ଟ ଦେବାକୁ ଜିଲ୍ଲାପାଳଙ୍କୁ ଚିଠି ଲେଖିଛନ୍ତି କମିଶନର ।
ଚିଠିରେ ପ୍ରତି ବ୍ଲକର କ୍ଷତି ଆକଳନ କରି ରିପୋର୍ଟ ଦେବାକୁ କୁହାଯାଇଛି । ଏପ୍ରିଲ ମାସରୁ ଅକ୍ଟୋବର ମାସ ଯାଏଁ ହାରାହାରି ବୃଷ୍ଟିପାତର ପରିମାଣ ଜଣାଇବା ସହ ବନ୍ୟା ଓ ବାତ୍ୟାରେ କେଉଁ ଅଞ୍ଚଳର କେତେ ସଂଖ୍ୟକ ଲୋକ କ୍ଷତିଗ୍ରସ୍ତ ହୋଇଛନ୍ତି, ତାହାର ଆକଳନ କରିବାକୁ ନିର୍ଦ୍ଦେଶ ଦିଆଯାଇଛି ।
ଏହାସହ କେତେ ଶସ୍ୟ, ପ୍ରାଣୀ ସମ୍ପଦ, ମନୁଷ୍ୟ ମୃତ୍ୟୁ ଓ କେତେ ସଂଖ୍ୟକ ମନୁଷ୍ୟ ଆହତ ହୋଇଛନ୍ତି ତା’ର ରିପୋର୍ଟ ଦେବାକୁ ବି ଏଥିରେ କୁହାଯାଇଛି। ଏହି ସମୟରେ ସନ୍ଧାନ ଓ ଉଦ୍ଧାର କାର୍ଯ୍ୟର ସବିଶେଷ ତଥ୍ୟ, ରିଲିଫ୍ ଓ ମାଗଣା ରନ୍ଧା ଖାଦ୍ୟ ଯୋଗାଣ, ଜରୁରୀକାଳୀନ ରିଲିଫ୍ ବିତରଣ, ଫୁଡ୍ ପ୍ୟାକେଟ୍ର ଏୟାର ଡ୍ରପିଂ ସଂପର୍କରେ ତଥ୍ୟ ଦେବାକୁ ମଧ୍ୟ ନିର୍ଦ୍ଦେଶ ଦିଆଯାଇଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
