ଭୁବନେଶ୍ବର: ଚିଲିକା ଭ୍ରମଣରେ ଯିବେ ବାଚସ୍ପତି, ମନ୍ତ୍ରୀ ଓ ବିଧାୟକ । ବିଧାନସଭା ପକ୍ଷରୁ ସମସ୍ତଙ୍କ ପାଇଁ ବ୍ୟବସ୍ଥା କରାଯାଇଛି । ଏପ୍ରିଲ 15 ତାରିଖରେ ସମସ୍ତେ ଚିଲିକା ବୁଲିବାକୁ ଯିବେ । 6 ତାରିଖ ସୁଦ୍ଧା ଇଚ୍ଛୁକ ମନ୍ତ୍ରୀ ଓ ବିଧାୟକ ବିଧାନସଭା ସଚିବାଳୟକୁ ଜଣାଇବାକୁ ନିର୍ଦ୍ଦେଶ ହୋଇଛି । ବିଧାନସଭାରେ ବାଚସ୍ପତି ଘୋଷଣା କରିଛନ୍ତି ।
ଆଜି ଶେଷ ହେଉଛି ବିଧାନସଭା ବଜେଟ ଅଧିବେଶନ । ଗତ 25 ତାରିଖରୁ ବଜେଟ ଅଧିବେଶନ ଆରମ୍ଭ ହୋଇଥିଲା । 25 ରୁ 31 ପର୍ଯ୍ୟନ୍ତ ଚାଲିଥିଲା ଅଧିବେଶନ । ଆଜି ଅନ୍ତିମ ଦିନ । ଗୃହ କାର୍ଯ୍ୟ ପରେ ଆସନ୍ତା ଏପ୍ରିଲ 15 ତାରିଖରେ ସମସ୍ତେ ଚିଲିକା ବୁଲିବାକୁ ଯିବାକୁ ଯୋଜନା ହୋଇଛି । ଆଇଏନଏସ ଚିଲିକା ଓ କାଳିଜାଈ ପୀଠ ବୁଲିବେ । ଆଇଏନଏସ ଚିଲିକାରେ କିପରି ଯୁଦ୍ଧ ଅଭ୍ୟାସ ହେଉଛି ତାହା ଦେଖିବେ । 6 ତାରିଖ ସୁଦ୍ଧା ଇଛୁକ ମନ୍ତ୍ରୀ ଓ ବିଧାୟକ ବିଧାନସଭା ସଚିବାଳୟକୁ ଜଣାଇବାକୁ ନିର୍ଦ୍ଦେଶ ହୋଇଛି ।
ଭୁବନେଶ୍ବରରୁ ରୁଦ୍ର ନାରାୟଣ ଦାସ ଓ ସଞ୍ଜୀବ ରାୟ, ଇଟିଭି ଭାରତ
