ଭୁବନେଶ୍ବର : ରମାଦେବୀ ମହିଳା ବିଶ୍ବବିଦ୍ୟାଳୟରେ ଖୋଲିଲା ଦକ୍ଷତା ବିକାଶ କେନ୍ଦ୍ର । 7ଟି ବିଭାଗରେ ପାଖାପାଖି 4ଶହରୁ ଊର୍ଦ୍ଧ୍ବ ପିଲା ପାଇବେ ତାଲିମ । ପାଠ ପଢା ସହିତ ନିଜର ଦକ୍ଷତା ବୃଦ୍ଧିରେ ଏହି କେନ୍ଦ୍ର ସହାୟକ ହେବ । ଏନେଇ ଖର୍ଚ୍ଚ ହୋଇଛି 90ଲକ୍ଷ ଟଙ୍କା । ଉଚ୍ଚଶିକ୍ଷା ବିକାଶ ମନ୍ତ୍ରୀ ଶ୍ରୀ ଅରୁଣ ସାହୁ ଏହି କେନ୍ଦ୍ରର ଉଦଘାଟନ କରିଛନ୍ତି ।
ଏହି ଅବସରରେ ଶ୍ରୀ ସାହୁ ଆଜିକାର ପ୍ରତିଦ୍ବନ୍ଦିତାପୂର୍ଣ ସମାଜରେ କେବଳ ପାଠ ନୁହେଁ ବିଭିନ୍ନ ଦିଗରେ ନିଜର ଦକ୍ଷତାକୁ ବିକଶିତ କରିବାକୁ ପଡିବ ବୋଲି କହିଛନ୍ତି । ସଫଳତା ପାଇଁ ପିଲାମାନେ ମନ ଧ୍ୟାନ ସହକାରେ କାମ କରିବା ପାଇଁ ପରାମର୍ଶ ଦେଇଛନ୍ତି ମନ୍ତ୍ରୀ ।
ଯଦି ଏହାକୁ ଛାତ୍ରଛାତ୍ରୀମାନେ ନ ମାନିବେ, ହାତରେ କେବଳ ସାର୍ଟିଫିକେଟ ଥିବ କିନ୍ତୁ ଦକ୍ଷତା ଅଭାବରୁ ଚାକିରି ପାଇବାରେ ଅସମର୍ଥ ହେବାକୁ ପଡିବ ବୋଲି ସେ କହିଛନ୍ତି ।
ଉଦଘାଟନୀ ଉତ୍ସବରେ ବିଶ୍ବବିଦ୍ୟାଳୟ କୁଳପତି ପଦ୍ମଜା ମିଶ୍ର, ବିଧାୟକ ଶ୍ରୀ ଅନନ୍ତ ନାରାୟଣ ଜେନା, ସେଞ୍ଚୁରିଆନ ବିଶ୍ବବିଦ୍ୟାଳୟର ସଭାପତି ମୁକ୍ତିକାନ୍ତ ମିଶ୍ର ପ୍ରମୁଖ ଉପସ୍ଥିତ ଥିଲେ ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
