ଭୁବନେଶ୍ବର: ଐତିହାସିକ ଶିଶୁପାଳଗଡର ସ୍ମୃତିକୁ ଉଜ୍ଜିବୀତ କରିବା ଲକ୍ଷ୍ୟରେ ଆୟୋଜିତ ହେଉଥିବା ଶିଶୁପାଳଗଡ଼ ମହୋତ୍ସବ ସ୍ଥାନୀୟ ଦଶହରା ପଡ଼ିଆରେ ଉଦଘାଟିତ ହୋଇଛି । ଷଷ୍ଠ ବର୍ଷରେ ପଦାର୍ପଣ କରିଥିବା ଏହି ଉତ୍ସବକୁ ବିଜ୍ଞାନ ଓ ପ୍ରଯୁକ୍ତି ବିଦ୍ୟା ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ମୁଖ୍ୟ ଅତିଥିଭାବେ ଯୋଗଦେଇ ଉଦଘାଟନ କରିଛନ୍ତି ।
ଚାରି ଦିନ ଧରି ଚାଲିବାକୁ ଥିବା ଏହି ଉତ୍ସବର ପ୍ରଥମ ସନ୍ଧ୍ୟାର କାର୍ଯ୍ୟକ୍ରମ ଗଣନାୟକ ପଞ୍ଚକମରୁ ଆରମ୍ଭ ହୋଇଥିଲା । ଯାହାକୁ ନୃତ୍ୟନିପୁଣା ଅନୁଷ୍ଠାନର କଳାକାରମାନେ ପରିବେଷଣ କରିଥିଲେ । ଏହା ପରେ ଅନ୍ୟାନ୍ୟ ଅନୁଷ୍ଠାନର ଶିଳ୍ପୀମାନେ ନୃତ୍ୟ ଓ ସଙ୍ଗୀତ ପରିବେଷଣ କରିଥିଲେ । ଏହି ଅବସରରେ ପ୍ରସିଦ୍ଧ ଓଡିଶୀ ନୃତ୍ୟାଙ୍ଗନା ପଦ୍ମଶ୍ରୀ କୁମକୁମ ମହାନ୍ତିଙ୍କୁ ଶିଶୁପାଳଗଡ଼ ସମ୍ମାନ 2020ରେ ସମ୍ମାନୀତ କରାଯାଇଛି ।
ଏହାସହ ଶିଶୁପାଳଗଡ 'The lost city' ସ୍ମରଣିକା ଅତିଥିମାନଙ୍କ ଦ୍ବାରା ଉନ୍ମୋଚିତ ହୋଇଛି । ତେବେ ଶୀତୁଆ ସନ୍ଧ୍ୟାରେ ଦର୍ଶକମାନେ ସାଂସ୍କୃତିକ କାର୍ଯ୍ୟକ୍ରମ ଉପଭୋଗ କରିବା ସହିତ ପଡିଥିବା ମିନା ବଜାର ବୁଲି ମଜ୍ଜା ଉଠାଇଥିବା ଦେଖିବାକୁ ମିଳିଛି ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
