ଭୁବନେଶ୍ବର: ରାଜଧାନୀର ସବୁଠୁ ବଡ ହାଟ କୁହାଯାଉଥିବା ଏକ ନମ୍ବର ହାଟ ବା ୟୁନିଟ-୧ ହାଟରେ ଦୋକାନୀଙ୍କ ବସିବା ବ୍ୟବସ୍ଥାରେ ପରିବର୍ତ୍ତନ। କୋଭିଡ ସଂକ୍ରମଣକୁ ଦୃଷ୍ଟିରେ ରଖି ୟୁନିଟ-୧ ହାଟରେ ଦୋକାନୀ ମାନଙ୍କ ପିଣ୍ଡିରେ ବସିବା ଫର୍ମାଟରେ ପରିବର୍ତ୍ତନ ଆଣିଛନ୍ତି ବିଏମସି ଓ ପୋଲିସ କମିଶନରେଟ।
ଏକ ନମ୍ବର ହାଟରେ ଜିଗଜାଗ ଫର୍ମାଟ ଖୋଲିଲା ଦୋକାନ
ଭୁବନେଶ୍ବର ଏକ ନମ୍ବର ହାଟରେ ଖୁଚୁରା ଦୋକାନୀ ଜିଗଜାଗ ଫର୍ମାଟ ବା ଗୋଟିଏ ଛାଡି ଗୋଟିଏ ଦୋକାନ ଖୋଲିବା ନେଇ ନିର୍ଦ୍ଦେଶ ଦିଆଯାଇଛି। ସେହିପରି ବିଏମସି ପକ୍ଷରୁ ରାତି ୩ ଟାରୁ ସକାଳ ୬ ଟା ପର୍ଯ୍ୟନ୍ତ ହୋଲସେଲିଂ ଦୋକାନ ଖୋଲା ରହିବ। ସକାଳ ୬ ରୁ ଦିନ ୧୨ ଟା ପର୍ଯ୍ୟନ୍ତ ଖୁଚୁରା ବ୍ୟବସାୟ ଖୋଲା ରଖିବା ପାଇଁ ନିୟମ ଜାରି କରାଯାଇଛି।
ହେଲେ କୋଭିଡ ନିୟମ ପାଳନକୁ ସମ୍ପୂର୍ଣ୍ଣ ଅଣଦେଖା କରୁଛନ୍ତି ଉଭୟ ଦୋକାନୀ ଓ ଗରାଖ। ପୋଲିସ ଉପସ୍ଥିତରେ କୋଭିଡ ନିୟମକୁ ଫୁ କରି ଉଡାଇ ଦେଇଛନ୍ତି ଜନସାଧାରଣ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
