ଭୁବନେଶ୍ବର: କିଡନୀ ଚୋରି ଅଭିଯୋଗ ପରେ କ୍ୟାମେରା ସାମ୍ନାକୁ ଆସିବାକୁ ଡରୁଛନ୍ତି କଳିଙ୍ଗ ହସ୍ପିଟାଲ କର୍ତ୍ତୃପକ୍ଷ । ପ୍ରତିକ୍ରିୟା ଦେବା ତ ଦୂରର କଥା ଏନେଇ କିଛି କହିପାରିବୁ ନାହିଁ ବୋଲି ରୋକଠୋକ ମନା କରିଛନ୍ତି ମେଡିକାଲ କର୍ତ୍ତୃପକ୍ଷ ।
ତେବେ ପୁରୀ ଜିଲ୍ଲା ପିପିଲି ସାତଶଙ୍ଖ କଅଁର ସାହି ବାସିନ୍ଦା ପ୍ରଦୀପ କଅଁର ନିଜ କିଡନୀ ଚୋରି ହୋଇଥିବାର ଏକ ସଙ୍ଗୀନ ଅଭିଯୋଗ ଆଣିଥିଲେ ଭୁବନେଶ୍ବରର ପ୍ରତିଷ୍ଠିତ କଳିଙ୍ଗ ହସ୍ପିଟାଲ ନାଁରେ । ଏନେଇ ଆମେ ଗତକାଲି ଇଟିଭି ଭାରତରେ ଏହି ସମ୍ବନ୍ଧିତ ଖବର ପ୍ରସାରଣ ହୋଇଥିଲା।
ଅଧିକ ପଢନ୍ତୁ. ଚାଞ୍ଚଲ୍ୟ: ଆସିଥିଲେ ହାତ ଅପରେସନ୍ ପାଇଁ କାଢିନେଲେ କିଡନୀ
ଏଭଳି ସଙ୍ଗୀନ ଅଭିଯୋଗ ଆସିବା ପରେ ଉକ୍ତ ହସ୍ପିଟାଲ କର୍ତ୍ତୃପକ୍ଷଙ୍କ ପ୍ରତିକ୍ରିୟା ଆଣିବା ପାଇଁ ଆମ ଇଟିଭି ଭାରତ ଟିମ୍ ପହଞ୍ଚିଥିଲେ କଳିଙ୍ଗ ହସ୍ପିଟାଲରେ । ମାତ୍ର ହସ୍ପିଟାଲ କର୍ତ୍ତୃପକ୍ଷ ଏନେଇ କୌଣସି ପ୍ରତିକ୍ରିୟା ଦେବାକୁ ରୋକଠୋକ ମନା କରି ଦେଇଥିଲେ ।
ତେବେ ସବୁଠାରୁ ବଡ଼ ପ୍ରଶ୍ନ ହେଲା, ଏତେ ବଡ ସଙ୍ଗୀନ ଅଭିଯୋଗ ଉପରେ କ'ଣ ପାଇଁ ନିଜର ମୁହଁ ଖୋଲୁନାହିଁ କଳିଙ୍ଗ ହସ୍ପିଟାଲ ?
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
