ଭୁବନେଶ୍ବର: ମେଡିସିନ୍ ଦୋକାନ ବି ଛାଡିଲେନି ଲୁଟେରା । ଭୁବନେଶ୍ବରର ୪ଟି ମେଡିସିନ ଦୋକାନରେ କଳାକନା ବୁଲାଇଲେ ଲୁଟେରା ଗ୍ୟାଙ୍ଗ । ନଗଦ କ୍ୟାସ ସାଙ୍ଗକୁ ମେଡିକାଲ ସାମଗ୍ରୀ ମଧ୍ୟ ଲୁଟିନେଲେ ।
Medicine Store ତାଡି ନଗଦ ଟଙ୍କା ସାଙ୍ଗକୁ ମେଡିକାଲ ସାମଗ୍ରୀ ଲୁଟିନେଲେ ଲୁଟେରା
ଖଣ୍ଡଗିରି ଏମ୍ସ ରୋଡରେ ସିରିଜ ଚୋରି । ଏକକାଳୀନ ୪ଟି ମେଡିସିନ ଦୋକାନରୁ କଳାକନା ବୁଲାଇ ଦେଇଛନ୍ତି ଲୁଟେରା । ଦୋକାନର ସଟର ତାଡି କ୍ୟାସ ସହ ବେବି ଫୁଡ, ପ୍ରେଗା କିଟ, ସାନିଟାଇଜର ଓ ଡେଟଲ ଚୋରି କରିନେଇଥିବା ଅଭିଯୋଗ ।ଚାରୋଟି ଦୋକାନରୁ ଏହିଭଳି ଢଙ୍ଗରେ ଚୋରି କରି ଫେରାର ହୋଇଛନ୍ତି ଦୁର୍ବୃତ୍ତ ।
ତେବେ ଚୋରି ସମୟର ସିସିଟିଭି ଫୋଟେଜ ଲାଗିଛି ପୋଲିସ ହାତରେ । ପାଖାପାଖି ୩ ଲକ୍ଷ ଟଙ୍କାର କ୍ୟାସ ଓ ୫ ଲକ୍ଷ ଟଙ୍କାର ସାମଗ୍ରୀ ଚୋରି ହୋଇଥିବା ଅଭିଯୋଗ କରିଛନ୍ତି ଦୋକାନୀ । ଖବର ପାଇ ତଦନ୍ତ ଆରମ୍ଭ କରିଛି ପୋଲିସ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
