ଭୁବନେଶ୍ବର: ଗୋଟିଏ ବର୍ଷ ଭିତରେ ରାଜ୍ୟରେ କେତେ ସଂଖ୍ୟାରେ ହୋଇଛି ଅପରାଧ ? ସିଏସଏନଆର (CSNR) ଏବଂ ସିଏଚଆରଆଇ (CHRI ) ମିଳିତ ଉଦ୍ୟମରେ ଆସିଲା ବର୍ଷକର କ୍ରାଇମ ରିପୋର୍ଟ ।
୨୦୧୭ ମସିହାରେ ସିଏସଏନଆର ଏବଂ ସିଏଚଆରଆଇର ମିଳିତ ଉଦ୍ୟମରେ “ଏପ୍ରିଲ ୨୦୧୫ରୁ ମାର୍ଚ୍ଚ ୨୦୧୬” ଅବଧି ମଧ୍ୟରେ ଭୁବନେଶ୍ବର ଓ କଟକ ଅର୍ବାନ ପୋଲିସ ଥାନା ମାନଙ୍କରେ ଅପରାଧ ଏବଂ ପୋଲିସିଂ ବ୍ୟବସ୍ଥା ଉପରେ ଏକ ଶ୍ଵେତପତ୍ର ଜାରି କରିଥିଲେ ।
ଜାନୁଆରୀ ୨୦୧୭ରୁ ମେ ୨୦୧୮ ସମୟ ସୀମା ମଧ୍ୟରେ ରାଜ୍ୟର 4ଗୋଟି ପୋଲିସ ଜିଲ୍ଲା ଯଥା ଭୁବନେଶ୍ବର, କଟକ, ଯାଜପୁର ଓ କନ୍ଧମାଳରେ ଅପରାଧ ଏବଂ ପୋଲିସିଙ୍ଗର ସ୍ଥିତି କିଛି ମାପଦଣ୍ଡ ଅନୁସାରେ ସୂଚନା ଅଧିକାର ଅଧିନିୟମ (ଆରଟିଆଇ) ଓ ରାଷ୍ଟ୍ରୀୟ ଏବଂ ରାଜ୍ୟ ଅପରାଧ ରେକର୍ଡ ବ୍ୟୁରୋ, ପୋଲିସ ଅନୁସନ୍ଧାନ ଓ ବିକାଶ ବ୍ୟୁରୋ (BPRD), ଓଡିଶା ସରକାର, ଭୁବନେଶ୍ବର-କଟକ ପୁଲିସ କମିଶନରେଟ, ରାଷ୍ଟ୍ରୀୟ ଏବଂ ରାଜ୍ୟ ମାନବ ଅଧିକାର ଆୟୋଗ, ୨୦୧୭-୧୮ ରାଜ୍ୟ ବିଧାନସଭାର ୱେବସାଇଟର ସହାୟତା ନେଇ ପ୍ରସ୍ତୁତ କରିବାର ପ୍ରୟାସ କରାଯାଇଛି । ଗୁରୁବାର ଏହି ରିପୋର୍ଟର ଉନ୍ମୋଚନ ହୋଇଛି ।
ଅପରାଧିକ ସମୀକ୍ଷା:
ବର୍ଷ ୨୦୧୭ରେ ୧୭,୦୮୨ ଗୋଟି ଅଭିଯୋଗ ଏବଂ ଜାନୁଆରୀ-ମେ ୨୦୧୮ ମଧ୍ୟରେ ୬,୯୯୯ ଟି ଅଭିଯୋଗ ଚାରିଗୋଟି ଜିଲ୍ଲାରେ ଦାଖଲ ହୋଇଛି ।
୨୦୧୭ରେ ଭୁବନେଶ୍ବରରେ ସର୍ବାଧିକ ୭,୩୩୦ ଏବଂ ୨୦୧୮ ଜାନୁଆରୀ –ମେ ୩,୦୨୮ ଗୋଟି ଅପରାଧିକ ଅଭିଯୋଗ ଦାଖଲ ହୋଇଛି । ସହିଦ ନଗର ଥାନାରେ ସର୍ବାଧିକ ୮୬୧ ଅଭିଯୋଗ ଦାଖଲ ହୋଇଥିବା ବେଳେ “ଖଣ୍ଡଗିରି ଥାନାରେ ସର୍ବାଧିକ ୬ ଗୋଟି ହତ୍ୟା ଓ ୪୩ ଟି ଲୁଟ ଏବଂ କ୍ୟାପିଟାଲ ଥାନାରେ ସର୍ବାଧିକ ୨୩୨ ଟି ଚୋରି ମାମଲା ରୁଜୁ ହୋଇଛି । ”
- ସେହିଭଳି କଟକରେ ୨୦୧୭ ମସିହାରେ ୩,୮୭୯ ଟି ଏବଂ ୨୦୧୮ ଜାନୁଆରୀ–ମେ ମଧ୍ୟରେ ୧,୬୯୩ ଅପରାଧିକ ମାମଲା ରୁଜୁ ହୋଇଥିବା ବେଳେ, ସର୍ବାଧିକ ଅପରାଧ ଚୌଦ୍ବାର ଥାନାରେ ୭୨୮ ଓ ବାଦାମବାଡି ଥାନାରେ ୫୧୦ ଟି ଅପରାଧିକ ମାମଲା ରୁଜୁ ହୋଇଛି ।
- ଯାଜପୁର ଜିଲ୍ଲାରେ ୨୦୧୭ ମସିହାରେ ୪,୫୪୬ ଟି ଏବଂ ୨୦୧୮ ଜାନୁଆରୀ–ମେ ମଧ୍ୟରେ ୧,୭୧୧ ମାମଲା ରୁଜୁ ହୋଇଥିବା ବେଳେ, ଧର୍ମଶାଳା ଥାନାରେ ସର୍ବାଧିକ ୮୧୬ ଟି ଏବଂ ବିଞ୍ଝାରପୁର ଥାନାରେ ୫୫୬ ଟି ଅପରାଧିକ ମାମଲା ରୁଜୁ ହୋଇଛି ।
- ୨୦୧୭ ମସିହାରେ କନ୍ଧମାଳ ଜିଲ୍ଲାରେ ୧୩୨୭ ଟି ଏବଂ ୨୦୧୮ ଜାନୁଆରୀ–ମେ ମଧ୍ୟ ରେ ୫୬୭ କେସ୍ ରୁଜୁ ହୋଇଥିବା ବେଳେ, ଟାଉନ ଥାନାରେ ସର୍ବାଧିକ ୪୯୭ଟି ଏବଂ ବାଲିଗୁଡା ଥାନାରେ ୨୨୯ ଟି ଅପରାଧିକ ମାମଲା ରୁଜୁ ହୋଇଛି ।
ଚୋରି: ୨୦୧୭ ବର୍ଷରେ ରାଜ୍ୟରେ ୯୦୮୩ ଗୋଟି ଚୋରି କେସ ହୋଇଥିବା ବେଳେ ଚାରିଗୋଟି ଜିଲ୍ଲାରେ ୨୦୧୭ -୧୮ରେ ୩୭୬୧ ଟି କେସ ରୁଜୁ ହୋଇଛି ।
ହତ୍ୟା: ୨୦୧୭ ମସିହାରେ ରାଜ୍ୟରେ ୧୦୨୭ଟା ହତ୍ୟା ଜନିତ କେସ ହୋଇଥିବା ବେଳେ ଏହି ଚାରିଗୋଟି ଜିଲ୍ଲାରେ ୨୦୮ ଟି କେସ ଏବଂ ୧୩୩ ଟି ହତ୍ୟାର ପ୍ରୟାସ (attempt to murder)କେସ ରୁଜୁ ହୋଇଛି ।
ଦୁଷ୍କର୍ମ: ୨୦୧୭ ବର୍ଷରେ ରାଜ୍ୟରେ ୨,୨୨୧ କେସ ହେଇଥିବା ବେଳେ ଏହି ଚାରିଗୋଟି ଜିଲ୍ଲାରେ ୨୦୧୭ -୧୮ ୫୯୯ ଟି କେସ ରୁଜୁ ହୋଇଛି ।
ମହିଳାଙ୍କ ବିରୋଧରେ ଅପରାଧ: ୨୦୧୭ ବର୍ଷରେ ଚାରିଗୋଟି ଜିଲ୍ଲାରେ ୧,୮୭୫ ଗୋଟି କେସ ରୁଜୁ ହୋଇଥିବା ବେଳେ ୨୦୧୮ ଜାନୁଆରୀ–ମେ ମଧ୍ୟରେ ୬୯୨ ଟି ଅଭିଯୋଗ ରୁଜୁ ହୋଇଛି । ଯୌତୁକ ଜନିତ ୬୦୦ (ଯାଜପୁର ରେ ସର୍ବାଧିକ ୨୦୭, ଭୁବନେଶ୍ବର ରେ ୧୮୪ ଏବଂ ୨୦୧୮ ରେ ), ଦୁଷ୍କର୍ମ ୪୩୨(ଭୁବନେଶ୍ବରରେ ୧୭୧,ଯାଜପୁର ରେ ୧୩୧) ୩୬୭ଟି ଅପହରଣ (ଭୁବନେଶ୍ବର ରେ ୧୫୩, ଯାଜପୁର ରେ ୧୩୧) ମାମଲା ରୁଜୁ ହୋଇଛି ।
ପୋଲିସ ଅଧିକାରୀଙ୍କ ବିରୋଧରେ ଅଭିଯୋଗ :
ଏହି ସମୟ ସୀମା ଭିତରେ ମାନବଅଧିକାର ସଂରକ୍ଷଣ ପ୍ରକୋଷ୍ଠ (ଏଚଆରପିସି), କଟକରେ୧୧୩ ଜଣ, ରାଜ୍ୟ ମାନବଧୀକାର ଆୟୋଗରେ ୩୬୬ ଜଣ, ରାଷ୍ଟ୍ରୀୟ ମାନବଧୀକାର ଆୟୋଗ ୪୩୯ ଜଣ ଓ ରିଜର୍ଭ ପୁଲିସ, ଭୁବନେଶ୍ବରଙ୍କ ପାଖରେ ୧୪ ଜଣ ପୁଲିସ ଅଧିକାରୀଙ୍କ ବିରୋଧରେ ଅଭିଯୋଗ ଦାଖଲ ହୋଇଛି ।
ତଥ୍ୟ ଅନୁସାରେ ସର୍ବାଧିକ ଅଭିଯୋଗ ଇନ୍ସପେକ୍ଟର (୧୦୩ ଜଣ ), କନଷ୍ଟେବଲ (୧୬ଜଣ ), ସବ-ଇନ୍ସପେକ୍ଟର (୧୪ଜଣ ) ଓ ଆସିଷ୍ଟାଣ୍ଟ ସବ-ଇନ୍ସପେକ୍ଟର (୧୨ଜଣ) ।
ପୋଲିସ ଅଧିକାରୀଙ୍କ ସ୍ଥିତି:
- ଏହି ସମୟ ସୀମା ଭିତରେ ଚାରିଗୋଟି ଜିଲ୍ଲା ରେ ସମୁଦାୟ sanctioned ପୋଷ୍ଟ ୨୮୪୦ କିନ୍ତୁ ଅଛନ୍ତି ୨୭୦୫ ଜଣ ଅଧିକାରୀ ୧୩୫ ଜଣ ଅଧିକାରୀ କମ ।
- ଇଂନଭେଷ୍ଟିଗେଟିଙ୍ଗ ଅଫିସରଙ୍କ ସର୍ଟଫଲ ଚାରିଗୋଟି ଜିଲ୍ଲାରେ ସବୁଠୁ ବେଶି ୨୧.୮୩ %, ସବ-ଇନ୍ସପେକ୍ଟରଙ୍କର ସର୍ଟଫଲ ୩୮.୬୭ % ଓ ଆସିଷ୍ଟାଣ୍ଟ ସବ-ଇନ୍ସପେକ୍ଟର ୧୪.୩୮%।
- ୨୦୧୮ ମସିହାରେ ରେ କନ୍ଧମାଳ ଜିଲ୍ଲା ରେ ଷ୍ଟାଫ ଶର୍ଟଫଲ ସର୍ବାଧିକ ୧୯.୮୧%, ଭୁବନେଶ୍ବର ରେ ୩ %,କଟକ ରେ ୨୯.୭୭ %, ଯାଜପୁର ୦.୫ %।
- ୨୦୧୮ ମସିହାରେ ଚାରିଗୋଟି ଜିଲ୍ଲାରେ ମହିଳା ପୋଲିସଙ୍କ ସଂଖ୍ୟା ସମୁଦାୟ ପୋଲିସ ବଳର ୧୦.୦୦% ଅଟେ । କନ୍ଧମାଳ ଜିଲ୍ଲାରେ ୧୮.୫ %, ଯାଜପୁର ସର୍ବାଧିକ ୧୬ .୧୪ %,କଟକ ୧୨.୩୭ %, ଭୁବନେଶ୍ବରରେ ସର୍ବନିମ୍ନ ୩.୮୬ % କାର୍ଯ୍ୟରତ ।
ରାଜ୍ୟ ପୁଲିସ ପ୍ରଶାସନଙ୍କୁ ସୁପାରିଶ / ପ୍ରସ୍ତାବ :
1-କ୍ରାଇମ ମାପିଙ୍ଗ କରି ଏହି ଡାଟା ୱେବସାଇଟ ରେ ଦିଆଗଲେ ଜନସାଧାରଣ କ୍ରାଇମ ଟ୍ରେଣ୍ଡ ବିଷୟରେ ଜାଗୃତ ହୁଅନ୍ତେ ।
2- ୩୩ % ମହିଳା ପୋଲିସଙ୍କୁ ନିଯୁକ୍ତି ଦିଆଯାଉ ମହିଳା ଅଧିକାରୀଙ୍କୁ ସମାନ ଅଧିକାର ଦିଆଯାଉ ।
3-ପ୍ରତ୍ୟେକ ଥାନାରେ ମହିଳାଙ୍କ ପାଇଁ ଅଲଗା ଶୌଚାଳୟ ଓ ଲକଅପର ବ୍ୟବସ୍ଥା କରାଯାଉ ।
4-ମହିଳା ମାନେ କାର୍ଯ୍ୟରତ ସ୍ଥାନରେ IC (ଇନ୍ଟରନାଲ କମିଟୀ) ଗଠନ କରାଯାଉ ।
5- ପ୍ରତେକ ଥାନାକୁ ପ୍ରବେଶ ପାଇଁ ରାମ୍ପ ବ୍ୟବସ୍ଥା କରାଯାଉ।
6- ପ୍ରତେକ ଥାନା ର ସମ୍ମୁଖ ରେ ସର୍ବୋଚ୍ଚ ନ୍ୟାୟାଳୟଙ୍କ ପ୍ରଦତ୍ତ ଆରେଷ୍ଟ ଗାଇଡ ଲାଇନକୁ ଠିକ ଭାବରେ ଲେଖାଯାଉ ।
7-ସମସ୍ତ ଥାନାରେ ସିସିଟିଭି ଲଗାଯିବା ସଠିକ ଭାବେ ପରିଚାଳନା କରାଯାଉ ।
8- ଚାରିଗୋଟି ଜିଲ୍ଲାରେ ST ବର୍ଗରୁ ନିଯୁକ୍ତି କରାଯାଉ
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
