ଭୁବନେଶ୍ବର: ବଦଳିଲା ସ୍କୁଲ୍ ଖୋଲିବା ନିର୍ଦ୍ଦେଶ । ନବମରୁ ଦ୍ବାଦଶ ଶ୍ରେଣୀ ପର୍ଯ୍ୟନ୍ତ ସ୍କୁଲ ଖୋଲିବା ନିଷ୍ପତ୍ତି ବଦଳିଲା । ନିଷ୍ପତ୍ତି ବଦଳିବା ନେଇ SRCଙ୍କ ପକ୍ଷରୁ ସାନି ନିର୍ଦ୍ଦେଶାବଳୀ ଜାରି କରାଯାଇଛି । ସ୍କୁଲ ଖୋଲିବା ନେଇ ଜାରି ହୋଇଥିବା ତାରିଖ ଉପରେ ଗଣଶିକ୍ଷା ବିଭାଗ ପୁନଃବିଚାର କରିବ । ଏବଂ ପରବର୍ତ୍ତୀ ସମୟ ନିର୍ଦ୍ଧାରଣ ବିଭାଗ କରିବା ବୋଲି ଏସଆରସି ପକ୍ଷରୁ ଜଣାଯାଇଛି ।
ତେବେ ଏସଆରସି ଜାରି କରିଥିବା ନିର୍ଦ୍ଦେଶାବଳୀ ଅନୁସାରେ ନଭେମ୍ବର 30 ତାରିଖ ପର୍ଯ୍ୟନ୍ତ ରାଜ୍ୟର ସମସ୍ତ ଶିକ୍ଷାନୁଷ୍ଠାନ ବନ୍ଦ ରହିବ । ନଭେମ୍ବର ୧୫ ତାରିଖ ପରେ ସ୍କୁଲ ଖୋଲିବା ନେଇ ନିଷ୍ପତ୍ତି ନିଆଯିବ । କିନ୍ତୁ ଏହା ପୂର୍ବରୁ ବିଭିନ୍ନ ଷ୍ଟେକ୍ ହୋଲ୍ଡର ମାନଙ୍କ ସହ ଆଲୋଚନା ପରେ ନିଷ୍ପତ୍ତି ନିଆଯିବ ବୋଲି ଏସଆରସି ଜଣାଇଛନ୍ତି ।
ପୂର୍ବରୁ ଜାରିହୋଇଥିବା ଗାଇଡଲାଇନରେ ନଭେମ୍ବର ୧୬ ତାରିଖରେ ସ୍କୁଲ ଖୋଲିବା ବୋଲି ନିଷ୍ପତ୍ତି ହୋଇଥିଲା । ଏଥିପାଇଁ ସ୍ଵତନ୍ତ୍ର ଏସଓପି ଆଲୋଚନା ପରେ ଆସିବ ଏବଂ ସ୍କୁଲ ଖୋଲାଯିବ ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
