ଭୁବନେଶ୍ବର: ମହାତ୍ମା ଗାନ୍ଧୀଙ୍କ 150 ତମ ଜୟନ୍ତୀରେ ସଭିଏଁ ତାଙ୍କୁ ଶ୍ରଦ୍ଧାଞ୍ଜଳୀ ଅର୍ପଣ କରୁଛନ୍ତି । ଆଉ ଲୋକମାନଙ୍କୁ ସିଧାସଳଖ ଗାନ୍ଧୀଙ୍କ କଥା ଜଣାଇବା ପାଇଁ ଓଟିଡିସି ଆପଣାଇଛି ଅଭିନବ ପ୍ରୟାସ । ଗାନ୍ଧୀଙ୍କ ଜୀବନୀକୁ ବାଲୁକା ଆନିମେସନ ଜରିଆରେ ସାଧାରଣ ଲୋକଙ୍କୁ ଦେଖେଇବାର ପ୍ରୟାସ ସ୍ବରୂପ ସ୍ଥାନୀୟ ଗାନ୍ଧୀ ମାର୍ଗ ଠାରେ ଏକ କାର୍ଯ୍ୟକ୍ରମ ଆୟୋଜନ କରାଯାଇଥିଲା ।
ବିଶିଷ୍ଟ ବାଲୁକା ଆନିମେସନ କଳାକାର ସୁଦାମ ପ୍ରଧାନ ସୁନ୍ଦର ଭାବରେ କଳାକୃତି କରି ଗାନ୍ଧୀଙ୍କୁ ଶ୍ରଦ୍ଧାଳଞ୍ଜଳୀ ଅର୍ପଣ କରିଥିଲେ । ସେପଟେ ଲୋକମାନେ ଏହି କଳାକୃତିର ଭରପୁର ଆନନ୍ଦ ନେଇଥିବା ଦେଖିବାକୁ ମିଳିଥିଲା । ଏହି ଅବସରରେ ଅନ୍ୟ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ମଧ୍ୟ ହୋଇଥିଲା । ଏହାସହ ବିଭିନ୍ନ ସ୍କୁଲର ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏପରି କାର୍ଯ୍ୟକ୍ରମ ଜରିଆରେ ବାପୁଙ୍କ ଆଦର୍ଶ ଛାତ୍ରଛାତ୍ରୀଙ୍କ ନିକଟରେ ପହଞ୍ଚାଇବାର ପ୍ରୟାସ ହୋଇଛି । ଯାହାକୁ ସେମାନେ ନିଜ ଜୀବନରେ ପାଳନ କରି ସଫଳତା ପାଇଁ ପାରିବେ ବୋଲି ଓଟିଡିସିର ଅଧକ୍ଷ୍ୟା ଶ୍ରୀମୟୀ ମିଶ୍ର ପ୍ରକାଶ କରିଛନ୍ତି।
ଭୁବନେଶ୍ୱରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
