RRB ପରୀକ୍ଷାର୍ଥୀଙ୍କ ପାଇଁ କୋହଳ ହେଲା କ୍ୱାରେଣ୍ଟାଇନ କଟକଣା

ଆସନ୍ତାକାଲି (ବୁଧବାର) ଠାରୁ ଆରମ୍ଭ ଛତିଶଗଡ ବିଳାସପୁର ରେଳବାଇ ବୋର୍ଡର ଆରଆରବି ପରୀକ୍ଷା । ଛାତ୍ରଛାତ୍ରୀଙ୍କ ପାଇଁ କ୍ୱାରେଣ୍ଟାଇନ କଟକଣା ହେଲା କୋହଳ । ଅଧିକ ପଢନ୍ତୁ...

ଭୁବନେଶ୍ୱର: ରେଳ ପରୀକ୍ଷାର୍ଥୀଙ୍କ ପାଇଁ କୋହଳ ହେଲା କୋରୋନା ଗାଇଡଲାଇନ । ପରୀକ୍ଷା ଦେବାକୁ ଆସିଥିବା ଛାତ୍ରଛାତ୍ରୀଙ୍କୁ କ୍ୱାରେଣ୍ଟାଇନ ମନା । ଛତିଶଗଡ, ବିଳାସପୁର ରେଳବାଇ ବୋର୍ଡ ଭୁବନେଶ୍ୱରରେ ଏହି ପରୀକ୍ଷା କରୁଛି ।

RRB ପରୀକ୍ଷାର୍ଥୀଙ୍କ ପାଇଁ କୋହଳ ହେଲା କ୍ୱାରେଣ୍ଟାଇନ କଟକଣା

ସୂଚନା ଅନୁଯାୟୀ ଛତିଶଗଡର ବିଳାସପୁର, ରେଳବାଇ ନିଯୁକ୍ତି ବୋର୍ଡର ଆରଆରବି ପରୀକ୍ଷା ପାଇଁ ଆବେଦନ କରିଥିବା ଛାତ୍ରଛାତ୍ରୀଙ୍କ ଆସନ୍ତାକାଲି(ବୁଧବାର) ଠାରୁ 31 ତାରିଖ ପର୍ଯ୍ୟନ୍ତ ଭୁବନେଶ୍ୱରରେ ପରୀକ୍ଷା ହେବ । ଏଥିପାଇଁ ଛତିଶଗଡ ବୋର୍ଡ ପକ୍ଷରୁ ପରୀକ୍ଷାର୍ଥୀଙ୍କୁ ଭୁବନେଶ୍ବରରେ ପହଞ୍ଚିବାକୁ ନିର୍ଦ୍ଦେଶ ଦିଆଯାଇଛି । ଏଥିପାଇଁ ରେଳ ଷ୍ଟେସନ ଏବଂ ବିମାନ ବନ୍ଦରରେ ସୁରକ୍ଷା ବ୍ୟବସ୍ଥା କଡାକଡି କରାଯାଇ ଥିବାବେଳେ ପରୀକ୍ଷାର୍ଥୀଙ୍କ ପାଇଁ କ୍ୱାରେଣ୍ଟାଇନ ନିୟମକୁ କୋହଳ କରାଯାଇଛି ।

ଆରଆରବି ପରୀକ୍ଷା ଆଡମିଟ୍ କାର୍ଡର ଏକ କପି ସହିତ ନିଜର ପରିଚୟ ଦେଖାଇ ପ୍ରବେଶ କରିପାରିବେ ପରୀକ୍ଷାର୍ଥୀ । ଅନ୍ୟପଟେ ଭୁବନେଶ୍ୱରରେ ହେବାକୁ ଥିବା ରେଳବାଇ ପରୀକ୍ଷାରେ ୧୦୫୦୦ ପରୀକ୍ଷାର୍ଥୀ ଆଡମିଟ୍ କାର୍ଡ ପାଇଥିବା ଜଣାପଡିଛି ।

ଭୁବନେଶ୍ୱରରୁ ବିକାଶ କୁମାର ଦାସ, ଇଟିଭି ଭାରତ