ଶପଥ ଗ୍ରହଣ କଲେ ରୀତା ସାହୁ

ବିଜେପୁର ବିଧାୟିକା ଭାବେ ଶପଥଗ୍ରହଣ କଲେ ନବ ନିର୍ବାଚିତ ବିଧାୟିକା ରୀତା ସାହୁ । ଆଜି ଏକ ସ୍ବତନ୍ତ୍ର କାର୍ଯ୍ୟକ୍ରମରେ ଶପଥ ପାଠ କରାଇଲେ ବାଚସ୍ପତି ।

ଭୁବନେଶ୍ବର: ଗତ ମାସରେ ବରଗଡ ଜିଲ୍ଲା ବିଜେପୁର ବିଧାନସଭା ଆସନରୁ ନିର୍ବାଚିତ ହୋଇ ବିଧାନସଭାକୁ ଆସିଥିବା ବିଧାୟିକା ରୀତା ସାହୁ ଆଜି ବିଧାୟିକା ଭାବେ ଶପଥ ଗ୍ରହଣ କରିଛନ୍ତି । ବିଧାନସଭା ଅଧିବେଶନର ଅବ୍ୟବହିତ ପୂର୍ବରୁ ବାଚସ୍ପତି ସୂର୍ଯ୍ୟ ନାରାୟଣ ପାତ୍ର ତାଙ୍କ ପ୍ରକୋଷ୍ଠରେ ରୀତା ସାହୁ୍ଙ୍କୁ ଶପଥ ପାଠ କରାଇଛନ୍ତି ।

ଏହି ଅବସରରେ ରୀତା ବିଜେପୁରବାସୀଙ୍କ ସମସ୍ତ ସମସ୍ୟା ବିଧାନସଭାରେ ଉପସ୍ଥାପନା କରିବେ ଓ ସମାଧାନ ପାଇଁ ଉଦ୍ୟମ କରିବେ ବୋଲି କହିଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ