ଭୁବନେଶ୍ବର: ୨୩ରୁ ଭୁନେଶ୍ବରର ଅର୍ଥାତ ବିଏମସି ଅଞ୍ଚଳରେ ଖୋଲିବ ଧାର୍ମିକ ଅନୁଷ୍ଠାନ । ଏନେଇ BMC ପକ୍ଷରୁ ମାର୍ଗଦର୍ଶିକା ଜାରି କାରଯାଇଛି । ଧାର୍ମିକ ଅନୁଷ୍ଠାନ ଯିବା ସମୟରେ କୋଭିଡ ଗାଇଡଲାଇନ ପାଳନ ଜରୁରୀ । ୨୩ ପରେ ଲିଙ୍ଗରାଜ ମନ୍ଦିର ଖୋଲିବା ନେଇ ମନ୍ଦିର ଟ୍ରଷ୍ଟ ବୋର୍ଡ ନେଇପାରିବେ ନିଷ୍ପତ୍ତି । ଏନେଇ ବିଭିନ୍ନ ଧର୍ମର ନେତୃବୃନ୍ଦଙ୍କ ସହ ଭର୍ଚୁଆଲରେ ଆଲୋଚନା ମଧ୍ୟ ହୋଇଛି ।
ସହିପରି ସିଂହଦ୍ଵାର ଓ ଆଡକାଠ ଭକ୍ତଙ୍କ ଦର୍ଶନ ପାଇଁ ଅନୁମତି ରହିଥିବା ମାର୍ଗଦର୍ଶିକାରେ ଦର୍ଶା ଯାଇଥିବା ବେଳେ ଗର୍ଭଗୃହରେ ପ୍ରବେଶକୁ ନିଷେଧ କରାଯାଇଛି । ସେହିପରି ଭୋଗ ଲାଗିବା ନେଇ ରୋକ ଲଗାଇଛି ବିଏମସି । ଦର୍ଶନ ସମୟରେ ସାମାଜିକ ଦୂରତା ଓ ମାସ୍କ ବାଧ୍ୟତାମୂଳକ କରାଯାଇଥିବାବେଳେ ଧାର୍ମିକ ଅନୁଷ୍ଠାନ ପରିସରରେ ୨୫ରୁ ଅଧିକ ଭକ୍ତଙ୍କ ଏକାଠି ହେବା ଉପରେ ମଧ୍ୟ ରୋକ ଲଗାଯାଇଛି । ସେହିପରି ଛେପ ପକାଇବା ଓ ଗୁଟଖା ଖାଇବା ମଧ୍ୟ ବାରଣ ରହିଛି । ଅନ୍ୟପଟେ ବରିଷ୍ଠ ନାଗରିକ, ଗର୍ଭବତୀ ମହିଳା, ୧୮ବର୍ଷରୁ କମ ବୟସ୍କ ଓ ଅନ୍ୟ ସମ୍ବେଦନଶୀଳ ବର୍ଗଙ୍କୁ ଧାର୍ମିକ ଅନୁଷ୍ଠନ ଯିବା ଉପରେ ବି ମାର୍ଗଦର୍ଶିକାରେ ବାରଣ କରାଯାଇଥିବା ଜଣାପଡିଛି ।
ଭୁବନେଶ୍ବରରୁ ସଞ୍ଜୀବ କୁମାର ରାୟ ଓ ଦେବସ୍ମିତା ରାଉତ, ଇଟିଭି ଭାରତ
