ଭୁବନେଶ୍ବର: ବିଜେପୁର ବିଜେପିରେ ଫାଟ । ଉପନିର୍ବାଚନ ସମୟରେ ଦଳୀୟ ଅଣଦେଖାର ଅଭିଯୋଗ । ଏପରି ଅଭିଯୋଗ ଆଣିଛନ୍ତି ବିଜେପି ନେତା ଅଶୋକ ପାଣିଗ୍ରାହୀ । ଏହା ସହ ସେ ଦଳ ଛାଡିବା ନେଇ ହେଉଥିବା ଚର୍ଚ୍ଚାକୁ ଗୁଜବ ବୋଲି କହିଛନ୍ତି ।
ଉପନିର୍ବାଚନରେ ଦଳୀୟ ଟିକେଟ ନ ପାଇଁ ଅସନ୍ତୋଷ ଥିବା ବିଜେପି ଅଶୋକ ପାଣିଗ୍ରାହୀ ଦଳ ଛାଡିବେ ବୋଲି ଚର୍ଚ୍ଚା ହେଉଥିଲା । ତେବେ ଏହାକୁ ସେ ଗୁଜବ ବୋଲି କହିବା ସହ ଏବେ ଦଳରେ ଅଛି ଓ ଆଗାମୀ ଦିନରେ କର୍ମୀ ଯାହା କହିବେ ତାହା କରିବି ବୋଲି ସେ କହିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଗତ ବିଜେପୁର ଉପନିର୍ବାଚନରେ ବିଜେଡି ଛାଡି ବିଜେପି ଟିକେଟରେ ଲଢିଥିଲେ ଅଶୋକ । ତେବେ ସାଧାରଣ ନିର୍ବାଚନରେ ଦଳ କିନ୍ତୁ ତାଙ୍କୁ ଭରସାକୁ ନେଇ ନଥିଲା । ଏହା ସହ ଚଳିତ ଉପନିର୍ବାଚନରେ ମଧ୍ୟ ଦଳ ତାଙ୍କୁ ଟିକେଟ ଦେଇ ନାହିଁ । ଏହା ସହ ଦଳୀୟ ଷ୍ଟାର ପ୍ରଚାରକ ତାଲିକାରେ ମଧ୍ୟ ତାଙ୍କ ନାଁ ନାହିଁ । ଯାହାକୁ ନେଇ ସେ ଅସନ୍ତୋଷ ବ୍ୟକ୍ତ କରିଛନ୍ତି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
