ଭୁବନେଶ୍ବର: ରମାଦେବୀ ମହିଳା ମହାବିଦ୍ୟାଳୟର ଛାତ୍ରୀ ନିଖୋଜ । ଘର ବାହାରକୁ କ୍ଷୀର ଆଣିବାକୁ ଯାଇଥିବାବେଳେ ଫେରିନଥିଲେ ଛାତ୍ରୀ ଜଣକ । ଏନେଇ ପରିବାର ପକ୍ଷରୁ ଭରତପୁର ଥାନାରେ ଅଭିଯୋଗ ପରେ ପୋଲିସର ତଦନ୍ତ ଆରମ୍ଭ । ନାବାଳିକା ଛାତ୍ରୀ ହୋଇଥିବାରୁ ଅପହରଣ ମାମଲା ରୁଜୁ କରି ତନାଘନା ଜାରି ରଖିଛି ପୋଲିସ ।
ରମାଦେବୀ ଛାତ୍ରୀ ନିଖୋଜ, ଅପହରଣ ମାମଲାରେ ପୋଲିସ ତଦନ୍ତ ଜାରି
ଏନେଇ ପରିବାର ଲୋକ ଅଭିଯୋଗ ଆଣିଥିବା ଜଣେ ଯୁବକର ପରିବାରକୁ ପଚରାଉଚରା କରାଯାଉଛି । ନାବାଳିକା ଛାତ୍ରୀ ଜଣକ ଯୁକ୍ତ ତିନି ପ୍ରଥମ ବର୍ଷର ଛାତ୍ରୀ । ସେ ନିଜ ପରିବାର ସହ ଭରତପୁର ଥାନା ଜଗନ୍ନାଥ ବିହାରରେ ରୁହନ୍ତି । ତେବେ ନିଖୋଜ ହେବାର ୨୪ ଘଣ୍ଟା ବିତିଥିବାରୁ ପୋଲିସ ଘଟଣାକୁ ଗୁରୁତର ସହ ନେଇ ତଦନ୍ତ ଜାରି ରଖିଥିବା ଭୁବନେଶ୍ବର ଡିସିପି କହିଛନ୍ତି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
