ଭୁବନେଶ୍ବର: ଦେଶର ଉତ୍ତର ଭାଗରେ ଘନ କୁହୁଡି ଯୋଗୁଁ ବହୁ ଟ୍ରେନ ବିଳମ୍ବରେ ଯାତ୍ରା ଆରମ୍ଭ କରିବ। ଉତ୍ତର ଭାରତ ସହ ସଂଯୋଗ କରୁଥିବା ଅନେକ ଟ୍ରେନର ଗତିପଥକୁ ପରିବର୍ତ୍ତନ କରାଯିବା ସହ କିଛି ଟ୍ରେନକୁ ବାତିଲ କରାଯାଇଛି। ଗୁରୁବାର ଭୁବନେଶ୍ବର ଓ ପୁରୀରୁ ଛାଡିବାକୁ ଥିବା ରାଜଧାନୀ ଏକ୍ସପ୍ରେସ ଓ ନନ୍ଦନକାନନ ଏକ୍ସପ୍ରେସର ସମୟରେ ପରିବର୍ତ୍ତନ କରାଯାଇଛି।
ପୂର୍ବତଟ ରେଳପଥର ସୂଚନା ଅନୁସାରେ ଗୁରୁବାର(2.01.2020)ଭୁବନେଶ୍ବରରୁ ଛାଡିବାକୁଥିବା ରାଜଧାନୀ ଏକ୍ସପ୍ରେସ ଟ୍ରେନ ନଂ- ୨୨୮୨୩ ଭୁବନେଶ୍ବର-ନୂଆଦିଲ୍ଲୀ ରାଜଧାନୀ ଏକ୍ସପ୍ରେସ, ଦିନ ପୂର୍ବାହ୍ନ ୯ ଘଣ୍ଟା ୩୦ମିନିଟ ପରିବର୍ତ୍ତେ, ଏହା ଅପରାହ୍ନ ୪ଘଣ୍ଟା ୩୦ ମିନିଟରେ ଭୁବନେଶ୍ବର ଛାଡିବ ।
ସେହିପରି ଗୁରୁବାର (2.01.2020) ଦିନ ପୁରୀରୁ ଛାଡିବାକୁ ଥିବା ଟ୍ରେନଂ ୧୨୮୧୫ ପୁରୀ-ଆନନ୍ଦ ବିହାର ନନ୍ଦନକାନନ ଏକ୍ସପ୍ରେସ ଦିନ ୧୦ ଘଣ୍ଟା ୫୫ ମିନିଟ ପରିବର୍ତ୍ତେ ଏହା ଅପରାହ୍ନ ୨ ଘଟିକାରେ ପୁରୀ ଛାଡିବ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
