ଭୁବନେଶ୍ବର: ରାଜଧାନୀ ସ୍ଥିତ ଚନ୍ଦ୍ରଶେଖରପୁର ଥାନାରେ ବାଘ। ଇଏ ହେଉଛନ୍ତି ପ୍ରଶାନ୍ତ କୁମାର ବାଘ । ଯିଏକି ଜଣେ ରେଲୱେ ଚିଫ ଇଂଜିନିୟର । ଟେଣ୍ଡର ପାସ ନାଁରେ ୩ କୋଟି ଟଙ୍କା ଠକେଇ ଅଭିଯୋଗରେ ପ୍ରଶାନ୍ତଙ୍କୁ ଗିରଫ କରିଛି କମିଶନରେଟ ପୋଲିସ ।
ସୂଚନାମୁତାବକ, ଇଷ୍ଟକୋଷ୍ଟ ରେଲୱେ ଚିଫ ଇଂଜିନିୟର ପ୍ରଶାନ୍ତ ଠିକାଦାର ଚିତ୍ରେସେନ ବାଘଙ୍କ ଠାରୁ ଟେଣ୍ଡର କରାଇଦେବ କହି ୩ କୋଟି ଟଙ୍କାର ଆଡଭାନସ ନେଇଥିଲେ। ହେଲେ ପରବର୍ତ୍ତୀ ପର୍ଯ୍ୟାୟରେ ଆଉ ଧରାଛୁଆଁ ଦେଇନଥିଲେ । ଏପରିକି ଚିତ୍ରସେନଙ୍କୁ ଜୀବନରୁ ମାରିଦେବାର ଧମକ ସହ ଗାଳିଗୁଲଜ କରି ତାଙ୍କୁ ଟଙ୍କା ବିଷୟରେ ଜାଣିନଥିବା କହିଥିଲେ। ଯାହାକୁ ନେଇ ଚନ୍ଦ୍ରଶେଖରପୁର ଥାନାରେ ଠକେଇ ଅଭିଯୋଗ ଆଣିଥିଲେ ଚିତ୍ରସେନ।
ଏହାକୁ ଆଧାରକରି ଆପିସିର ଧାରା ୪୨୦, ୫୦୬, ୨୯୪ ଓ ପୁର୍ବରୁ ତାଙ୍କ ନାଁରେ ଥିବା ଏନବିଡବ୍ଲୁ କେସକୁ ଆଧାରକରି ପ୍ରଶାନ୍ତ କୁମାର ବାଘକୁ ଗିରଫ କରିଛି । ମଙ୍ଗଳବାର ସଂଧ୍ୟା ସୁଦ୍ଧା କୋର୍ଟ ଚାଲାଣ କରିବ କମିଶନରେଟ ପୋଲିସ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
