ଭୁବନେଶ୍ବର: ଆସୁଛି ପାର୍ବଣର ପର୍ବ ଦଶହରା, ସେଥିପାଇଁ ଉତ୍ସବ ମୁଖର ରାଜଧାନୀ ଭୁବନେଶ୍ବର । ସ୍ଥାନେ ସ୍ଥାନେ ଆରମ୍ଭ ହେବାକୁ ଯାଉଛି ଦାଣ୍ଡିଆ ନାଇଟ। ଯାହା ବର୍ତ୍ତମାନର ଯୁବ ପିଢି ଓ ଝିଅ ମାନଙ୍କ ପାଇଁ ବେଶ ଆକର୍ଷଣର କେନ୍ଦ୍ର ବିନ୍ଦୁ ପାଲଟିଛି। ଦାଣ୍ଡିଆ ନାଚ ପ୍ରସ୍ତୁତି ପାଇଁ ଏବେ ବିଭିନ୍ନ ଆନୁଷ୍ଠାନ ସବୁ ଲାଗି ପଡିଥିବା ବେଳେ ରାଜଧାନୀର ଓଡ଼ିଶା ଇଣ୍ଟର ନେସନାଲ ସେଣ୍ଟର ଅନୁଷ୍ଠାନ ପକ୍ଷରୁ ଦାଣ୍ଡିଆ ନାଚ ସହ କିଛି ନୂଆ କରିବାର ପ୍ରୟାସ କରିଛି।
ତେବେ ଦେବୀ ଦୁର୍ଗାଙ୍କ ବିଷୟରେ 100 ଟି ପ୍ରଶ୍ନ ପଚାରି ଲୋକଙ୍କୁ ପୁରସ୍କୃତ କରିବାର ଯୋଜନା ରଖିଛି ଏହି ଅନୁଷ୍ଠାନ। ଏହା କରିବାର ଏକ ମାତ୍ର ଲକ୍ଷ୍ୟ ହେଲା ଲୋକଙ୍କ ଭିତରେ ଆଧ୍ୟାତ୍ମିକତାର ମନୋଭାବ ସୃଷ୍ଟି କରିବା ବୋଲି ଅନୁଷ୍ଠାନ ପ୍ରକାଶ କରିଛି।
ଚଳିତ ବର୍ଷ ଏହି ଦାଣ୍ଡିଆ ନାଇଟ ଭୁବନେଶ୍ବର କଳିଙ୍ଗ ଷ୍ଟାଡିୟମ ପାଖ ଲକ୍ଷ୍ମୀ ପଡିଆରେ ଅନୁଷ୍ଠିତ କରାଯାଉଛି। ଦେବୀଙ୍କ ବିଷୟରେ 100 ଟି ପ୍ରଶ୍ନ ଉତ୍ତର ଦେଲେ ମିଳିବ ଧନ ରାଶି ସହ ପୁରସ୍କାର।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
