ଭୁବନେଶ୍ବର: ରାଜ୍ୟ ସଂଗଠନର ଶକ୍ତି ବୃଦ୍ଧି ସହ ଦଳୀୟ ନେତା କର୍ମୀଙ୍କ ମନୋବଳରେ ଉତ୍ସାହ ଭରିବା ପାଇଁ ଖୁବଶୀଘ୍ର ଓଡିଶା ଆସିବେ ଜାତୀୟ କଂଗ୍ରେସର ମହାସଚିବ ପ୍ରିୟଙ୍କା ଗାନ୍ଧୀ । ଏନେଇ ଆଜି ସୂଚନା ଦେଇଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ । ନିରଞ୍ଜନ କହିଛନ୍ତି ଓଡିଶା ଆସିବା ପାଇଁ ପ୍ରିୟଙ୍କା ଗାନ୍ଧୀଙ୍କୁ ନିମନ୍ତ୍ରଣ କରାଯାଇଛି । ସେ ନିମନ୍ତ୍ରଣ ଗ୍ରହଣ କରିବା ସହ ଓଡିଶା ଆସିବାକୁ ପ୍ରତିଶୃତି ଦେଇଛନ୍ତି । କିନ୍ତୁ କେବେ ଆସିବେ, କଣ କାର୍ଯ୍ୟକ୍ରମ ରହିବ ତାହା କିଛି ଚୂଡାନ୍ତ ହୋଇନାହିଁ ।
ନିରଞ୍ଜନ କହିଛନ୍ତି, "ରାଜ୍ୟ ସଂଗଠନକୁ ସୁଦୃଢ କରିବା ପାଇଁ ପ୍ରଭାରୀ ଚେଲ୍ଲା କୁମାରଙ୍କ ସହ ସେ(ନିରଞ୍ଜନ) ପ୍ରିୟଙ୍କା ଗାନ୍ଧୀଙ୍କ ସହ ଆଲୋଚନା କରିଛନ୍ତି ।"
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
