ଭୁବନେଶ୍ବର: ଥାଇଲାଣ୍ଡ ପାରା-ବ୍ୟାଡମିଣ୍ଟନ ଇଣ୍ଟରନେସନାଲରେ ଗୋଟିଏ ଦିନରେ 2ଟି ରୌପ୍ୟ ପଦକ ଜିତିଛନ୍ତି ପ୍ରମୋଦ ଭଗତ । ଉଭୟ ସିଙ୍ଗଲ୍ସ ଓ ଡବଲ୍ସରେ ପ୍ରମୋଦ ରୌପ୍ୟ ପଦକ ହାତେଇଛନ୍ତି । ପ୍ରମୋଦଙ୍କ ଏହି ସଫଳତାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ବିଟ କରି ଶୁଭେଚ୍ଛା ଜଣାଇଛନ୍ତି ।
ବିଶ୍ବ ପାରା-ବ୍ୟାଡମିଣ୍ଟନ ଚମ୍ପିଆନସିପରେ ଜବରଦସ୍ତ ପ୍ରଦର୍ଶନ କରି ସ୍ବର୍ଣ୍ଣ ପଦକ ଜିତିଥିଲେ ପ୍ରମୋଦ । ପ୍ରମୋଦ ଗୋଟିଏ ପରେ ଗୋଟିଏ ବଡ ଟୁର୍ଣ୍ଣାମେଣ୍ଟରେ ପଦକ ଜିତି ଦେଶ ତଥା ରାଜ୍ୟ ପାଇଁ ଗୌରବ ଆଣିଛନ୍ତି । ପ୍ରମୋଦଙ୍କ ଏହି ସଫଳ ଯାତ୍ରାରେ ନିଜ ଜିଲ୍ଲା ବରଗଡଠୁ ଆରମ୍ଭ କରି, ସମଗ୍ର ରାଜ୍ୟରେ ଖୁସିର ଲହରି ଖେଳିଯାଇଛି ।
