ଭୁବନେଶ୍ବର: ଏଫଆଇଆର ନେବାକୁ ଘରେ ପହଞ୍ଚିଲା ପୋଲିସ । ଲକଡାଉନରେ ପିପଲ ଫ୍ରେଣ୍ଡଲି କାର୍ଯ୍ୟକରୁଛି ପୋଲିସ । ଏଭଳି ଉଦାହରଣ ଦେଖିବାକୁ ମିଳିଛି ରାଜଧାନୀରେ । ଲୋକଙ୍କ ଅଭିଯୋଗ କ୍ରମେ ଘରେ ପହଞ୍ଚିଛି ପୋଲିସ।
ରାଜଧାନୀର ନୟାପଲ୍ଲୀ ଥାନା ଅଞ୍ଚଳର ଇସ୍କନ ମନ୍ଦିର ପାଖେ ରହୁଥିବା ଅଭିଯୋଗକାରି ତ୍ରିନାଥ ମହାରଣା ପୋଲିସର ଡାଏଲ ୧୦୦ କୁ କଲ କରିଥିଲେ। ଖବର ପାଇଁ ତୁରନ୍ତ ପହଞ୍ଚି ଥିଲେ ଥାନା ଆଇଆଇସି ଓ ଟିମ। ଘର ପାଖରେ ଜଣେ ବ୍ୟକ୍ତି ଜବରଦଖଲ ସହ ଘରେ କିଛି ବେଆଇନ ଯୁବତୀ ଚାଲାଣର ଅଭିଯୋଗ ଆଣିଥିଲେ । ପୋଲିସ ପହଞ୍ଚି ଅଭିଯୋଗକାରୀଙ୍କ ଅଭିଯୋଗ ଗ୍ରହଣ କରିଥିଲା ଏବଂ ତଦନ୍ତ ଆରମ୍ଭ କରିଛି। ତେବେ ଏଭଳି ସମୟରେ ଘରୋଇ ହିଂସା ହେଉ ବା ଚୋରି ଡକାୟତି ବା ଦାଦାବଟି , ଅପରାଧିକ କାର୍ଯକଳାପ ଛିନତାଇର ଶିକାର ହେଲୋ ପୋଲିସକୁ ଜଣାନ୍ତୁ ବୋଲି ପୋଲିସ ଅଧିକାରୀ କହିଛନ୍ତି । ପୋଲିସ ତୁରନ୍ତ ପହଞ୍ଚି ଅଭିଯୋଗ ଗ୍ରହଣ କରିବା ସହ କାର୍ଯ୍ୟାନୁଷ୍ଠାନ ଗ୍ରହଣ କରିବ ।
ସୂଚନାଥାଉକି କୋରୋନା ମହାମାରୀର ସଂକ୍ରମଣକୁ ରୋକିବା ପାଇଁ ସରକାର ଆଜିଠୁ ରାଜ୍ୟରେ ଲାଗୁ କରିଛନ୍ତି 14 ଦିନିଆ ଲକଡାଉନ । ଲକଡାଉନ ସମୟରେ ଲୋକଙ୍କ ସୁରକ୍ଷା ସୁନିଶ୍ଚିତ କରିବା ପାଇଁ ପୋଲିସ ପ୍ରତିଶୃତିବୋଧ ।
ଭୁବନେଶ୍ବରରୁ ତାପସ ପରିଡା,ଇଟିଭି ଭାରତ
