ଭୁବନେଶ୍ବର: ଦୀପାବଳି ପାଇଁ ଉତ୍ସବମୁଖର ହୋଇଉଠିଛି ସାରା ରାଜ୍ୟ । ରାଜ୍ୟବାସୀ ବେଶ ଆନନ୍ଦ ଉଲ୍ଲାସରେ ଆଲୋକର ପର୍ବ ପାଳନ କରୁଥିବା ବେଳେ ଛୋଟ ପିଲାଙ୍କ ଗହଣରେ ଦୀପାବଳି ପାଳିଛନ୍ତି ପୋଲିସ ମହାନିର୍ଦ୍ଦେଶକ ଓ ଅନ୍ୟ ପୋଲିସ ଅଧିକାରୀ ।
ପିଲାଙ୍କ ସହ ଦୀପାବଳି ପାଳିଲେ ପୋଲିସ ମହାନିର୍ଦ୍ଦେଶକ
ଆଲୋକର ପର୍ବ ଦୀପାବଳି । ଏହାର ମଜା ନେଇଛନ୍ତି ପୋଲିସ କର୍ମଚାରୀଙ୍କ ପରିବାର ଓ ଛୋଟ ପିଲାମାନେ । ଅତି ଆନନ୍ଦ ଓ ଉଲ୍ଲାସର ପର୍ବଟିକୁ ମନ ଭରି ଉପଭୋଗ କରିବାକୁ ଚାହୁଁଥିବା କର୍ମଚାରୀ ନିଜ କାର୍ଯ୍ୟରେ ବ୍ୟସ୍ତ ଥିବାବେଳେ ସେମାନଙ୍କୁ ସରପ୍ରାଇଜ ଦେଇଥିଲେ ପୋଲିସ ମହାନିର୍ଦ୍ଦେଶକ ।
ଭୁବନେଶ୍ବର ଜୟଦେବ ବିହାର ନିକଟରେ ଥିବା ରିଜର୍ଭ ଅଫ ପୋଲିସ ପଡ଼ିଆରେ ଦୀପାବଳି ପାଳନ ପାଇଁ ଅୟୋଜନ କରାଯାଇଥିଲା । ଏଥିରେ ଛୋଟା ପିଲାଙ୍କୁ ମିଠା ଦେଇ ସମସ୍ତେ ଆନନ୍ଦ ଉଲ୍ଲାସରେ ଦୀପାବଳି ପାଳନ କରିବା ସହ ବାଣ ମଧ୍ୟ ଫୁଟାଇଥିଲେ । କମିଶନର ଏବଂ ଟ୍ରାଫିକ ଡିସିପି ମଧ୍ୟ ଉପସ୍ଥିତ ରହି ସମସ୍ତଙ୍କୁ ମିଠା ବାଣ୍ଟିବା ସହ ବାଣ ଫୁଟାଇଥିଲେ ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
