ଭୁବନେଶ୍ବର : 2020-21 ଏକାଡେମିକ ବର୍ଷର ଯୁକ୍ତ ତିନି ନାମଲେଖା ପାଇଁ ଦ୍ବିତୀୟ ପର୍ଯ୍ୟାୟ ମେଧା ତାଲିକା ଗୁରୁବାର ପ୍ରକାଶ ପାଇଛି । ଯାଞ୍ଚ ପାଇଁ ଲିଷ୍ଟରେ ଥିବା ମୋଟ 96,515 ପିଲାଙ୍କ ମଧ୍ୟରୁ ସ୍ନାତକୋତ୍ତର ଡିଗ୍ରୀ ପାଇଁ ବିଭିନ୍ନ ଷ୍ଟ୍ରିମରେ ପାଠ୍ୟକ୍ରମରେ ଆଡମିଶନ ପାଇଁ ଦ୍ବିତୀୟ ପର୍ଯ୍ୟାୟରେ 22,016 ଜଣ ଚୟନ କରାଯାଇଛି ।
କଳା ବିଭାଗରେ 12 ହାଜର 69 ଜଣ, ବାଣିଜ୍ୟରେ ଏକ ହଜାର 781 ଜଣଙ୍କୁ ସିଲେକ୍ସନ କରାଯାଇଛି । ସେହିଭଳି ଫିଜିକାଲ ସାଇନ୍ସ ଷ୍ଟ୍ରିମ ପାଇଁ 4119 , ବାଇଲୋଜିକାଲ ପାଇଁ 3465, ସେଲ୍ଫ ଫାଇନାନ୍ସ ଷ୍ଟ୍ରିମ 398 , ସଂସ୍କୃତ 184 ଜଣ ଯୋଗ୍ୟ ବିବେଚିତ ହୋଇଛନ୍ତି ।
ତେବେ ଯୁକ୍ତ 3 ର ଦ୍ବିତୀୟ ପର୍ଯ୍ୟରେ 10 ହଜାର 532 ଜଣ ଛାତ୍ର ସିଲେକ୍ସନ ହୋଇଥିବା ବେଳେ 11 ହଜାର 484 ଜଣ ଛାତ୍ରୀ ଅଛନ୍ତି ।
ଦ୍ବିତୀୟ ପର୍ଯ୍ୟାୟ ମେଧା ତାଲିକା ଅନୁସାରେ ବିଜେବି କଲେଜ ସହ ସବୁଠୁ ଅଧିକ କଟଅଫ ସହ ଆଗୁଆ ରହିଛି । ଏଠାରେ ଜେନେରାଲ କ୍ୟାଟେଗୋରୀ ପାଇଁ ଭୂଗୋଳରେ 89.4 ପ୍ରତିଶତ, ଏସି ପାଇଁ ଇଂରାଜୀରେ 87.60 ପ୍ରତିଶତ କଟ ଅଫ ରହିଛି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
