ଭୁବନେଶ୍ବର: ଆଜି ଆସିବ +2 କଳା ଓ ଧନ୍ଦାମୂଳକ ରେଜଲ୍ଟ । orissaresults.nic.in ୱେବସାଇଟରେ ପ୍ରକାଶ ପାଇବ ଫଳ । ଆଜି ଦିନ ଗୋଟାଏରେ ରେଜଲ୍ଟ ପ୍ରକାଶ ପାଇବା ନେଇ ଉଚ୍ଚ ମାଧ୍ୟମିକ ଶିକ୍ଷା ପରିଷଦ(CHSE) ପକ୍ଷରୁ ସୂଚନା ମିଳିଛି ।
ଗତ ଜୁଲାଇ ୩୧ରେ ବିଜ୍ଞାନ ଓ ବାଣିଜ୍ୟ ବିଭାଗରେ ଫଳାଫଳ ପ୍ରକାଶ ପାଇ ଥିବାବେଳେ ଆଜି କଳା ଓ ଧନ୍ଦାମୂଳକ ଛାତ୍ରଛାତ୍ରୀଙ୍କ ରେଜଲ୍ଟ ପ୍ରକାଶ ପାଇବ । ଚଳିତ ବର୍ଷ କଳାରେ 2 ଲକ୍ଷ ଏବଂ ଧନ୍ଦାମୂଳକରେ 4 ହଜାର ଛାତ୍ରଛାତ୍ରୀଙ୍କ ରେଜଲ୍ଟ ପ୍ରକାଶ ପାଇବ । CHSEର ଅଫିସିଆଲ ୱେବସାଇଟରେ ଉପଲବ୍ଧ ହେବ ଫଳାଫଳ ।
କଳା ଓ ଧନ୍ଦାମୂଳକ ବିଭାଗରେ ଛାତ୍ରଛାତ୍ରୀ ସଂଖ୍ୟା ଅଧିକ ଥିବାରୁ ମୂଲ୍ୟାୟନ ପାଇଁ ଅଧିକ ସମୟ ମାଗିଥିଲା ବିଭାଗ । ସେହିପରି କୋରୋନା ପାଇଁ ପରୀକ୍ଷା ବାତିଲ୍ କରାଯାଇ ବିକଳ୍ପ ମୂଲ୍ୟାୟନ ବ୍ୟବସ୍ଥାକୁ ନେଇ ଫଳ ପ୍ରକାଶ ପାଇବ । ତେବେ ଏଥର ବିନା ପରୀକ୍ଷାରେ ପୂର୍ବ ପ୍ରଦର୍ଶନ ଅନୁଯାୟୀ ଅର୍ଥାତ୍ ଦଶମ ଶ୍ରେଣୀର ପ୍ରଦର୍ଶନ ଅନୁଯାୟୀ ମାର୍କ ଦିଆଯିବ ।
ପରୀକ୍ଷା ଫଳ ପ୍ରକାଶ ପ୍ରାଥମିକ ପର୍ଯ୍ୟାୟରେ ଜୁଲାଇ 31 ଓ ଦ୍ୱିତୀୟ ପର୍ଯ୍ୟାୟରେ ଅଗଷ୍ଟ ଦ୍ୱିତୀୟ ସପ୍ତାହ ମଧ୍ୟରେ ପ୍ରକାଶ କରିବାକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ ଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
