ଭୁବନେଶ୍ବର: ମହାମାରୀର ମହାସଙ୍କଟ ମଧ୍ୟରେ ଅକ୍ସିଜେନ ପାଇଁ ସଂଘର୍ଷ କରୁଛି ଦେଶ । ଏହାରି ମଧ୍ୟରେ ଅନେକ ରାଜ୍ୟକୁ ଅକ୍ସିଜେନ ଯୋଗାଇସାରିଛି ଓଡିଶା । ଅମ୍ଳଜାନ ଉତ୍ପାଦନରେ ଓଡିଶାକୁ ଅଧିକ ବଳ ଦେବା ପାଇଁ ରାଜ୍ୟରେ 40ଟି ଅକ୍ସିଜେନ ପ୍ଲାଣ୍ଟ ତିଆରି ନେଇ ରହିଛି ଯୋଜନା ।
ରାଜ୍ୟରେ ଅକ୍ସିଜେନ ପ୍ଲାଣ୍ଟ ତିଆରି ପ୍ରସ୍ତାବ ନେଇ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ କେନ୍ଦ୍ରକୁ ଚିଠି ଲେଖାଯାଇଛି । ସୂଚନା ଅନୁଯାୟୀ, ଏହି ପ୍ଲାଣ୍ଟ ଗୁଡିକ ବିଭିନ୍ନ ମେଡିକାଲ କଲେଜ ଓ ଜିଲ୍ଲା ମୁଖ୍ୟ ଚିକିତ୍ସାଳୟରେ ସ୍ଥାପନ କରାଯିବାକୁ ପ୍ରସ୍ତାବରେ କୁହାଯାଇଛି ।
ଯେଉଁ ମେଡିକାଲକୁ ଏଯାଏଁ ଗ୍ୟାସ ପାଇପଲାଇନ ସିଷ୍ଟମ ସୁବିଧା ଦିଆଯାଇନାହିଁ, ସେଠାରେ ଏମଜିପିଏସ ତିଆରି ପାଇଁ ରାଜ୍ୟ ସରକାର ବ୍ୟବସ୍ଥା କରିବେ ବୋଲି ସ୍ପଷ୍ଟ କରାଯାଇଛି ।
