ଭୁବନେଶ୍ବର: ପିପିଲି ଉପନିର୍ବାଚନ ଫଳାଫଳ ରାଜ୍ୟ ରାଜନୀତିରେ କିଛି ପ୍ରଭାବ ପକାଇବ ନାହିଁ ବୋଲି ଦୃଢୋକ୍ତି ପ୍ରକାଶ କରିଛନ୍ତି ବିଜେପି ନେତା ପ୍ରଦୀପ ପୁରୋହିତ । ଆଉ ତା ସହିତ ଏହା ପଞ୍ଚାୟତ ନିର୍ବାଚନକୁ ମଧ୍ୟ ପ୍ରଭାବ ପକାଇବ ନାହିଁ । ପିପିଲି ବିଜେଡିର ଗଡ଼ ଥିଲା । ତା ସତ୍ତ୍ଵେ ବି ବିଜେପି ଭଲ ଭୋଟ ପାଇଛି । ଯେହେତୁ କଂଗ୍ରେସର ଭୋଟ ବିଜେଡିରେ ମିଶିଲା ସେଥିପାଇଁ ବିଜେପି ପରାଜିତ ହୋଇଛି ।
କିନ୍ତୁ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ଏହାର କୌଣସି ପ୍ରଭାବ ପକାଇବ ନାହିଁ । ବିଜେପି ତୃଣମୂଳ ସ୍ତରରେ ସଙ୍ଗଠନକୁ ମଜଭୂତ କରିସାରିଛି । ଓଡିଶାର ଲୋକମାନେ ପରିବର୍ତ୍ତନ ଚାହୁଁଛନ୍ତି । ମୋଦି ସରକାର ଓଡିଶାକୁ ପର୍ଯ୍ୟାପ୍ତ ପଇସା ଦେଇଛନ୍ତି । ଚତୁର୍ଦଶ ଓ ପଞ୍ଚଦଶ ଅର୍ଥ କମିଶନରେ ପ୍ରଧାନମନ୍ତ୍ରୀ ମୋଦିଙ୍କ ଯୋଗୁଁ ପଞ୍ଚାୟତ ସ୍ତରରେ ବହୁତ ଉନ୍ନତି ମୂଳକ କାର୍ଯ୍ୟ ହୋଇଛି । ହେଲେ ବିଜେଡି ରାଜ୍ୟରେ ଆବାସ ଯୋଜନା ଘୋଟାଲା ଠାରୁ ଆରମ୍ଭ କରି ରାସ୍ତା କାମ ନିମ୍ନମାନର ହେବା ପର୍ଯ୍ୟନ୍ତ କରିଚାଲିଛି ।
ସେଥିପାଇଁ ଜନଅସନ୍ତୋଷ ଅଛି । ତେବେ ବିଜେପି ଏଥର ପଞ୍ଚାୟତ ନିର୍ବାଚନରେ ଭଲ ସଫଳତା ପାଇବ ଏବଂ ପୌରାଞ୍ଚଳରେ ମଧ୍ୟ ଲୋକଙ୍କ ମତ ବିଜେପିକୁ ଯିବ ବୋଲି ସୂଚନା ଦେଇଛନ୍ତି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
