ଭୁବନେଶ୍ବର: ପିପିଲି ଉପନିର୍ବାଚନ ନେଇ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ସାମ୍ବାଦିକ ସମ୍ମିଳନୀ । ଦିନ 11ଟା ସୁଦ୍ଧା 24.76% ମତଦାନ ହୋଇଛି । ସକାଳ 9ଟା ମଧ୍ୟରେ 7.8 ପ୍ରତିଶତ ମତଦାନ ହୋଇଥିବା ସୂଚନା ଦେଇଛନ୍ତି ମୁଖ୍ୟ ନିର୍ବାଚନ ଅଧିକାରୀ ସୁଶୀଲ କୁମାର ଲୋହାନୀ ।
ମୁଖ୍ୟ ନିର୍ବାଚନ ଅଧିକାରୀଙ୍କ ସୂଚନା ଅନୁସାରେ, ବର୍ତ୍ତମାନ ପର୍ଯ୍ୟନ୍ତ ଶାନ୍ତିଶୃଙ୍ଖଳା ସହ ଭୋଟ ଗ୍ରହଣ ଚାଲିଛି । କୌଣସି ଅପ୍ରୀତିକର ପରିସ୍ଥିତିର ଖବର ଏପର୍ଯ୍ୟନ୍ତ ଆସିନାହିଁ । ପାଗ ମଧ୍ୟ ଅନୁକୂଳ ରହିଛି । ଭୋଟରଙ୍କ ସଂଖ୍ୟା ବଢୁଛି । ଆଗକୁ ଆହୁରି ମଧ୍ୟ ଭୋଟରଙ୍କ ସଂଖ୍ୟା ବଢିବ ବୋଲି ଆଶା କରାଯାଉଛି ।
ପିପିଲି ଉପନିର୍ବାଚନ
ମକ ପୋଲ ବେଳେ ୬ଟି ଭିଭିପାଟ ମେସିନରେ ଯାନ୍ତ୍ରିକ ତ୍ରୁଟି ଦେଖାଯାଇଥିଲା । ପରବର୍ତ୍ତୀ ସମୟରେ ସମସ୍ୟାର ସମାଧାନ କରାଯାଇ ଭୋଟ ଗ୍ରହଣ ଚାଲିଛି । 20ଟି ଆଦର୍ଶ ବୁଥ କରାଯାଇଛି ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
