ଭୁବନେଶ୍ବର: ବର୍ତ୍ତମାନର ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ପୁଅ ତଥା କଂଗ୍ରେସର ଯୁବନେତା ନବଜ୍ୟୋତି ପଟ୍ଟନାୟକ ହେବେ କି ପିସିସି ସଭାପତି? ପିସିସି ସଭାପତି ହେବା ପାଇଁ ତାଙ୍କ ମନ ଅଛି କି ? ଦିଲ୍ଲୀରେ ଲବି ହେଉଛି କି ? ଏହାକୁ ନେଇ ଗତ କିଛି ଦିନ ହେଲା କଂଗ୍ରେସ ମହଲରେ ଚାଲିଥିବା ଚର୍ଚ୍ଚାରେ ପୂର୍ଣ୍ଣଛେଦ ପକାଇଛନ୍ତି ନିରଞ୍ଜନ ପଟ୍ଟନାୟକ । ନିରଞ୍ଜନ କହିଛନ୍ତି ଏହା ଏକ ଗୁଜବ । ମୋ ପୁଅର ଗତି ମତି ଯାହା ଜାଣିଛି ତାର ଜମା ଇଚ୍ଛା ନାହିଁ । ସେ କେବଳ କଂଗ୍ରେସ କର୍ମୀ ହୋଇ ଦଳ ପାଇଁ କାମ କରିବ ବୋଲି ନିରଞ୍ଜନ କହିଛନ୍ତି ।
ସେହିପରି ଦେବଗଡ ବିଜେପି ବିଧାୟକଙ୍କ ଗିରଫଦାରୀ ପ୍ରସଙ୍ଗରେ ନିରଞ୍ଜନ କହିଛନ୍ତି, ବିଧାୟକଙ୍କ ଆଚରଣ ଓ ଉଚ୍ଚାରଣ ଭଲ ହେବା ଉଚିତ। ଏଭଳି ହେବା ଉଚିତ ନୁହେଁ। ଅଫିସର ମାନେ ପଲିଟିକାଲ ବ୍ୟାଙ୍କିଙ୍ଗ ପାଇଁ ଏଭଳି କରୁଛନ୍ତି । ଯେତେବେଳେ ବିଜେଡି ବିଧାୟକ ଗିରଫ ହେଉଛନ୍ତି ବା ନିଜ ଦଳ (କଂଗ୍ରେସ)ର ବିଧାୟକ ଗିରଫ ହେଉଛନ୍ତି ସେତେବେଳେ ବିଜେପି ବିଧାୟକଙ୍କ କଥା କିଏ ପଚାରେ ? ବୋଲି ନିରଞ୍ଜନ କହିଛନ୍ତିକ ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
