ଭୁବନେଶ୍ବର: ପୁଣି ରାଜନୀତିର ଅଡୁଆ କ୍ଷେତରେ ଚାଷୀ । ନୂଆ କୃଷି ନୀତିକୁ ନେଇ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ରାଜଧାନୀ ଭୁବନେଶ୍ବରରେ ସାମ୍ବାଦିକ ସମ୍ମିଳନୀ କରିଛନ୍ତି । ନୂଆ ନୀତିରେ ଚାଷୀଙ୍କ ସ୍ବାର୍ଥକୁ ଭାରତ ସରକାର ଗୁରୁତ୍ବ ଦେଇଛନ୍ତି ।
ଏହା ଏକ ଯୁଗାନ୍ତକାରୀ ପଦକ୍ଷେପ । ଧାନର ସର୍ବ ନିମ୍ନ ମୂଲ୍ୟ (ଏମଏସପି) ହଟିବାର ପ୍ରଶ୍ନ ଉଠୁନାହିଁ ବୋଲି ଧର୍ମେନ୍ଦ୍ର ସ୍ପଷ୍ଟ କରିବା ସହ କିଛି ସ୍ବାର୍ଥବାଦୀ ବିରୋଧୀ ଭ୍ରମ ପ୍ରଚାର କରୁଥିବା କହିଛନ୍ତି । ଭାରତ ସରକାର କୃଷି କ୍ଷେତ୍ରରେ ସଂସ୍କାର ପାଇଁ ଏକ ଲକ୍ଷ କୋଟି ଟଙ୍କା କୃଷି ବଜାର ଭିତ୍ତିଭୂମିର କାର୍ଯ୍ୟ ଆରମ୍ଭ କରିସାରିଥିବା ଧର୍ମେନ୍ଦ୍ର କହିଛନ୍ତି ।
ତେବେ ଧର୍ମେନ୍ଦ୍ରଙ୍କ ସାମ୍ବାଦିକ ସମ୍ମିଳନୀ ପରେ ରାଜ୍ୟ କଂଗ୍ରେସ ସଭାପତି ନିରଞ୍ଜନ ପଟ୍ଟନାୟକ କଟାକ୍ଷ କରିଛନ୍ତି। କୃଷି ନୀତି ବାସ୍ତବିକ ଐତିହାସିକ ବୋଲି କହିଛନ୍ତି ନିରଞ୍ଜନ। ନୂଆ ନୀତିରେ ଏମଏସପି ନିର୍ଦ୍ଧାରଣ ହୋଇନାହିଁ । ମଣ୍ଡି ପ୍ରତି ଯଦି ବିପଦ ନାହିଁ, ତେବେ ସରକାର କାହିଁକି ଏମଏସପି ଦରରୁ କମରେ କେହି କିଣିପାରିବେ ନାହିଁ ବୋଲି ଆଇନରେ ଦର୍ଶାଇନାହାଁନ୍ତି ବୋଲି ପ୍ରଶ୍ନ କରିଛନ୍ତି ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
