ଭୁବନେଶ୍ବର: ସମଗ୍ର ଦେଶକୁ ଘାରିଛି କରୋନା ଭୟ । ଏହି ଭୂତାଣୁର ମାତ୍ରା ବୃଦ୍ଧି ପାଉଥିବା ବେଳେ ରେଳୱେ ଷ୍ଟେସନରେ ବଢୁଥିବା ଜନଗହଳିକୁ ଦୃଷ୍ଟିରେ ରଖି ରେଳ ବିଭାଗର ଗୁରୁତ୍ବପୂର୍ଣ୍ଣ ନିଷ୍ପତ୍ତି । ପୂର୍ବରୁ ଟ୍ରେନ ବାତିଲ ହେଲେ 3 ଦିନ ମଧ୍ୟରେ ଟିକେଟ ଫେରାଇବାର ନିୟମ ଥିଲା । କିନ୍ତୁ ବର୍ତ୍ତମାନ ସ୍ଥିତିରେ 45 ଦିନ ମଧ୍ୟରେ ଟିକେଟ ଫେରାଇବାକୁ ନିଷ୍ପତ୍ତି ନିଆଯାଇଛି ।
ଯଦି ଟ୍ରେନ ବାତିଲ ହୋଇନଥିବ କିନ୍ତୁ ଯାତ୍ରୀ ଯଦି ଯାତ୍ରା କରିବାକୁ ଚାହୁଁନଥିବ ତେବେ ସେ 3 ଦିନ ବଦଳରେ 30 ଦିନ ଭିତରେ ଟିଡିଆର ଫାଇଲ କରି ପାରିବେ । ସେହିପରି ଯାତ୍ରୀ ଯଦି 139 ନମ୍ବରରେ କଲ କରି ନିଜ ଟିକେଟ କ୍ୟାନସଲ କରିବେ ତେବେ ନିଜ ଯାତ୍ରା ତାରିଖରୁ 30 ଦିନ ଭିତରେ କାଉଣ୍ଟରରୁ ନିଜ ଅର୍ଥ ପାଇପାରିବେ । ତେବେ କରୋନା ସମୟରେ ଯାତ୍ରୀ ଷ୍ଟେସନକୁ ନଆସି ଏହି ପ୍ରକାର ସୁବିଧା ପାଇପାରିବା ନେଇ ପୂର୍ବତଟ ରେଳପଥ ପକ୍ଷରୁ ଏକ ସୂଚନା ଜାରି କରାଯାଇଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
