ଭୁବନେଶ୍ବର: କୋରୋନା କାଳରେ ସ୍କୁଲରେ ଫି ବୃଦ୍ଧି ପ୍ରଙ୍ଗରେ ଆପୋଷ ବୁଝାମଣାକୁ ନେଇ ହାଇକୋର୍ଟରେ ମାମଲା ଚାଲିଛି। କିନ୍ତୁ ଅଭିଭାବକ ମହାସଂଘର ଅଭିଯୋଗ ଅନୁଯାଇ କୌଣସି ସ୍କୁଲ ହାଇକୋର୍ଟର ମତକୁ ମାନୁ ନାହାଁନ୍ତି । ଯାହା ଫଳରେ ଆଗାମୀ ଦିନରେ ଘରୋଇ ସ୍କୁଲକୁ ଚେତାବନୀ ଦେଇଛି ଅଭିଭାବକ ମହାସଂଘ ।
ଘରୋଇ ସ୍କୁଲ ଫି ଛାଡ଼କୁ ବିରୋଧ, ସ୍କୁଲ ଉପରେ ବର୍ଷିଲା ଅଭିଭାବକ ମହାସଂଘ ଉଚ୍ଚ ନ୍ୟାୟାଳୟଙ୍କ ଅଧ୍ୟକ୍ଷତାରେ ଶିକ୍ଷା ସଚିବଙ୍କର ଦୁଇଥର ଆପୋଷ ସମାଧାନ ପାଇଁ ବୈଠକ କରାଯାଇଥିଲା। ଆନୁଷଙ୍ଗିକ ଫି ଛାଡ଼ କରିବା ସହିତ ଟିୟୁସନ ଫିର କିଛି ଅଂଶ ଛାଡ଼ କରିବା ପାଇଁ ଦାବି କରିଥିଲା ଅଭିଭାବକ ମହାସଂଘ । ଏହାକୁ ବିରୋଧ କରିଛନ୍ତି ଅନେକ ସ୍କୁଲ । ଯେଉଁ ସ୍କୁଲ ଗୁଡିକ ଏହି ଆପୋଷ ସମାଧାନକୁ ମାନୁନଥିବାବେଳେ ସମସ୍ତ ଘରୋଇ ସ୍କୁଲ କତ୍ତୃପକ୍ଷଙ୍କୁ ଅଭିଭାବକ ମହାସଂଘ ଚେତାବନୀ ଦେଇଛି । ଅଭିଭାବକ ମହାସଂଘର ସଭାପତି ବାସୁଦେବ ଭଟ୍ଟ କହିଛନ୍ତି ଯେ ଅନଲାଇନ କ୍ଳାସରେ 50 ଭାଗ ପିଲାରୁ ଅଧିକ ପିଲାମାନେ ପାଠ ପଢ଼ିଛନ୍ତି । ତେବେ ଏସମସ୍ତ ହିସାବ ଅଭିଭାବକମାନଙ୍କୁ ଦିଅନ୍ତୁ । ହେଲେ ହାଇକୋର୍ଟଙ୍କର କୌଣସି ମତକୁ ଗୁରୁତର ସହ ନେଉ ନାହାଁନ୍ତି କି କାର୍ଯ୍ୟରେ ଲଗାଉ ନାହାଁନ୍ତି । ଯାହା ଫଳରେ ଅଭିଭାବକ ମହାସଂଘ ଏନେଇ ତୀବ୍ର ଅସନ୍ତୋଷ ଜାହିର କରିଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ 
