ନବୀନ ନିବାସରେ ଚାଲିଛି ମିଶ୍ରଣ ପର୍ବ, ଅଣବିଜେଡି ନେତାଙ୍କ ବଢୁଛି ଭିଡ

ବିଜେଡିରେ ଘଡିକେ ଘୋଡା ଛୁଟୁଛି । କେତେବେଳେ ଟିକେଟ କଟିବା ପ୍ରତିବାଦରେ ବିଜେଡି ବିଧାୟକମାନେ ବିଜେପିକୁ ଡେଉଁଛନ୍ତି, ତ କେତେବେଳେ ବିପକ୍ଷ ଦଳର ତୃଣମୂଳ ନେତାମାନେ ବିଜେଡିରେ ମିଶୁଛନ୍ତି ।

ଭୁବନେଶ୍ୱର: ବିଜେଡିରେ ଘଡିକେ ଘୋଡା ଛୁଟୁଛି । କେତେବେଳେ ଟିକେଟ କଟିବା ପ୍ରତିବାଦରେ ବିଜେଡି ବିଧାୟକମାନେ ବିଜେପିକୁ ଡେଉଁଛନ୍ତି, ତ କେତେବେଳେ ବିପକ୍ଷ ଦଳର ତୃଣମୂଳ ନେତାମାନେ ବିଜେଡିରେ ମିଶୁଛନ୍ତି ।

ଆଜି କୋରାପୁଟର ବିଜେପି ନେତା ଅନୁପ ପାତ୍ରଙ୍କ ନେତୃତ୍ୱରେ କିଛି ବିଜେପି କର୍ମୀ ଓ ଯାଦବ ସମାଜ ବିଜେଡିରେ ସାମିଲ ହୋଇଛନ୍ତି । ଏହି ନେତାମାନେ ବିଜେଡିର ଶକ୍ତି ବୃଦ୍ଧି କରିବେ ବୋଲି ନବୀନ ଆଶା ପ୍ରକାଶ କରିଥିବା ବେଳେ, ବିଜେଡିରେ ସାମିଲ ହୋଇଥିବା ବିଜେପି ନେତାମାନେ ବିଜେପିର କାର୍ଯ୍ୟକୁ ନେଇ ବିଷ ଉଗାଳିଛନ୍ତି ।

ସେପଟେ ଆଜି ନବୀନ ନିବାସରେ ନବୀନ ପଟ୍ଟନାୟକ ଦଳର ନୂଆ ପ୍ରଚାର ଗାଡିକୁ ପତାକା ଦେଖାଇ ଉଦଘାଟନ କରିଛନ୍ତି । ଏଥିସହ ସେ ଆଜି ବିଜେପୁର ଗସ୍ତରେ ଯାଇ ନାମାଙ୍କନପତ୍ର ଦାଖଲ କରିଛନ୍ତି ।

ଭୁବନେଶ୍ବରରୁ ଅଜିତ ଦାସ, ଇଟିଭି ଭାରତ