ଭୁବନେଶ୍ବର: ରାଜ୍ୟର ଗ୍ରୀନ ଜୋନରେ ଚାଲିବ ଓଏସଆରଟିସି ବସ । ଗ୍ରୀନ ଜୋନରେ ଘରୋଇ ବସ ଚଳାଇବାକୁ ଅନୁରୋଧ କରାଯିବା ପରେ ବସ ମାଲିକ ସଂଘ ଚଳାଇବାକୁ ରାଜି ନହେବାରୁ ସରକାର ଏଭଳି ନିଷ୍ପତ୍ତି ନେଇଛନ୍ତି । ରାଜ୍ୟରେ ଥିବା ଓଏସଆରଟିସି ବସ ସମସ୍ତ ଗ୍ରୀନ ଜୋନରେ ଚାଲିବା ସହ ଯାତ୍ରୀଙ୍କ ସେବା ଯୋଗାଇବ । ଏଥିପାଇଁ ଯାତ୍ରୀଙ୍କୁ ଦୁଇଗୁଣ ଭଡା ଦେବାକୁ ପଡିବ । ଏନେଇ ପରିବହନ ମନ୍ତ୍ରୀ ପଦ୍ମନାଭ ବେହେରା ସୂଚନା ଦେଇଛନ୍ତି ।
ଆଜି ପ୍ରଥମକରି କଟକରୁ ଭୁବନେଶ୍ବର ବସ ଚଳାଚଳ ଆରମ୍ଭ କରିଛି । କଟକରୁ ଭୁବନେଶ୍ବର ଯିବା ପାଇଁ 30ଟଙ୍କା ବସଭଡା ନିଆଯାଉଛି । ସେହିପରି ସରକାରୀ ଅଧିକାରୀଙ୍କୁ ଆଣିବାକୁ ଅଧିକ ଓଏସଆରଟିସି ବସ ଚଳାଚଳ କରିବ । ଆଗକୁ ଆହୁରି ଅଧିକ ବସ ଚଳେଇବାକୁ ସରକାର ନିଷ୍ପତ୍ତି ନେଇଛନ୍ତି । ରାଜ୍ୟରେ 500ଟି ଓଏସଆରଟିସି ବସ ରହିଥିବା ମନ୍ତ୍ରୀ କହିଛନ୍ତି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
