ଭୁବନେଶ୍ବର: ରାଷ୍ଟ୍ରପତି ନିର୍ବାଚନ ନେଇ ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀଙ୍କ ବିସ୍ଫୋରଣ । ଦ୍ରୌପଦୀଙ୍କୁ ଯାଇଛି ଆଉ ଜଣେ ବରିଷ୍ଠ କଂଗ୍ରେସ ବିଧାୟକଙ୍କ ଭୋଟ । ତେବେ ଆସନ୍ତାକାଲି ଖୁଲାସା କରାଯିବ ବୋଲି କହିଛନ୍ତି ମୋହନ । ଏହାକୁ ନେଇ କଂଗ୍ରେସ ଓ ରାଜ୍ୟ ରାଜନୀତି ସରଗରମ ହୋଇଛି ।
କଟକ ବାରବାଟୀ ବିଧାୟକ ମହମ୍ମଦ ମୋକିମଙ୍କ ସହ ଆଉ ଜଣେ କଂଗ୍ରେସ ବିଧାୟକ ଏନଡିଏ ରାଷ୍ଟ୍ରପତି ପ୍ରାର୍ଥୀଙ୍କୁ ଦେଇଛନ୍ତି ଭୋଟ । ଏନେଇ ବିଜେପି ମୁଖ୍ୟ ସଚେତକ ଦେଇଛନ୍ତି ବଡ ମନ୍ତବ୍ୟ । କିଏ ସେହି କଂଗ୍ରେସର ବରିଷ୍ଠ ବିଧାୟକ ? ମାଟିର ଝିଅ ଦ୍ରୌପଦୀଙ୍କୁ କିଏ ସେ ଦେଇଛନ୍ତି ସମର୍ଥନ ? ଏନେଇ କଂଗ୍ରେସ ମହଲରେ ତନାଘନା ଆରମ୍ଭ ହୋଇଛି ।
ମୋହନ ଆହୁରି ମଧ୍ୟ କହିଛନ୍ତି କାଲି ତାହା ସ୍ପଷ୍ଟ ହୋଇଯିବ । କଂଗ୍ରେସ ବିଧାୟକ ମହମ୍ମଦ ମୋକିମ ଭୋଟ ଦେଇଥିଲେ । ଭୋଟ ପରେ ସେ ଖୋଲାଖୋଲି ଘୋଷଣା କରିଛନ୍ତି । କଂଗ୍ରେସର ଆଉ ଜଣେ ବିଧାୟକ ମଧ୍ୟ ଦ୍ରୌପଦୀଙ୍କୁ ଭୋଟ ଦେଇଛନ୍ତି । ବିଜେଡି-ବିଜେପି ଭାଇ ଭାଇ ବୋଲି କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା ଅଭିଯୋଗରେ ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝି ଏହି ମନ୍ତବ୍ୟ ଦେଇଛନ୍ତି ।
ଇଟିଭି ଭାରତ, ଭୁବନେଶ୍ବର
