ଭୁବନେଶ୍ବର: ପୋଲିସ ଗୁଳିରେ କୁଖ୍ୟାତ ଅପରାଧୀ ହାଇଦର ମୃତ୍ୟୁ ଘଟଣାରେ ନିଜ ଆଡୁ ମାମଲା ରୁଜୁ କଲା ରାଜ୍ୟ ମାନବାଧିକାର କମିଶନ(OHRC ) । ଆସନ୍ତା ୪ ସପ୍ତାହ ମଧ୍ୟରେ ଜବାବ ଦାଖଲ କରିବାକୁ ଦେଇଛି ନିର୍ଦ୍ଦେଶ ।
ବିଭିନ୍ନ ଗଣମାଧ୍ୟମରେ ପ୍ରକାଶିତ ରିପୋର୍ଟ ଆଧାରରେ ମାମଲା ରୁଜୁ କରିଛି କମିଶନ । ଏହି ରିପୋର୍ଟ ଆଧାରରେ ନୋଟିସ ଜାରି କରାଯାଇଛି । ଗୃହ ବିଭାଗ ଏସିଏସ୍, ପୋଲିସ ଡିଜି, ଜେଲ୍ ବିଭାଗ ଡିଜିଙ୍କ ସହ ଟ୍ବିନସିଟି ପୋଲିସ କମିଶନରଙ୍କୁ ନୋଟିସ କରିଛି OHRC । ତେବେ 4 ସପ୍ତାହ ମଧ୍ୟରେ ଜବାବ ଦାଖଲ ପାଇଁ ନିର୍ଦ୍ଦେଶ ଦେଇଛନ୍ତି OHRC ।
ସୂଚନା ଅନୁଯାୟୀ, ଚଳିତ ମାସ 24 ତାରିଖରେ ଅପରେସନ କ୍ଲିନଅପ ମାଧ୍ୟମରେ ଚୌଦ୍ବାର ସର୍କଲ ଜେଲରୁ ବାରିପଦା ସେଣ୍ଟ୍ରାଲ ଜେଲକୁ ହାଇଦରକୁ ସ୍ଥାନାନ୍ତର କରାଯାଉଥିଲା । ଏହି ସମୟରେ ହାଇଦର ଖସିବାକୁ ଚେଷ୍ଟା କରିବାରୁ ପୋଲିସ ଏନକାଉଣ୍ଟର କରିଥିଲା । ଏନକାଉଣ୍ଟର ପରେ ମେଡିକାଲ ଚିକିତ୍ସିତ ଅବସ୍ଥାରେ ହାଇଦରର ମୃତ୍ୟୁ ଘଟିଥିଲା ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
