ଭୁବନେଶ୍ବର: ମିସେସ ଇଣ୍ଡିଆ ୟୁନିଭର୍ସ 3 ରେ ଭାଗ ନେବେ ଓଡିଶାର ବିବାହିତ ମହିଳା । ଏହି ପ୍ରତିଯୋଗିତାର ୩ୟ ସଂସ୍କରଣ ପାଇଁ ଜୋନାଲ୍
ଅଡିସନ୍ ଟେଷ୍ଟ ହୋଇଛି । ଓଡିଶା ପାଇଁ ଭୁବନେଶ୍ବରର ଏକ ପଞ୍ଚତାରକା ହୋଟେଲରେ ଅଡିସନ ହୋଇଛି । 20ରୁ 35 ଓ 35ରୁ 55 ଏମିତି 2ଟି ବର୍ଗରେ ପ୍ରତିଯୋଗୀଙ୍କୁ ଚୟନ କରାଯାଇଛି ।
ପ୍ରାୟ 40 ଜଣ ମହିଳା ଏହି ଅଡିସନରେ ଭାଗ ନେଇଥିଲେ । ତେବେ ମାତ୍ର 6ଜଣ ସୁନ୍ଦରୀଙ୍କୁ ମନୋନୀତ ହୋଇଛନ୍ତି । ତୁଷାର ଧଲିଓ୍ଵାଲ, ଅର୍ଚ୍ଚନା ତେମେରା, ବର୍ଷା ପ୍ରିୟଦର୍ଶନୀ, ରୋଜାଲିନ୍ ପାଟ୍ଟଶାଣୀ ମିଶ୍ର, ରୂପସୀ ଓ୍ଵାଧାଓନ୍, ସୁଖପ୍ରୀତ୍ କୌର୍ ପ୍ରମୁଖ କଳାକାର, ଉପସ୍ଥାପକ ଓ ମଡେଲମାନେ ଏହି ଅଡିସନରେ ବିଚାରକ ଭାବେ ଉପସ୍ଥିତ ଥିଲେ ।
ଏବେ ଜାତୀୟ ଓ ଅନ୍ତର୍ଜାତୀୟ ସ୍ତରରେ ପ୍ରାୟ ସବୁକ୍ଷେତ୍ରରେ ଓଡ଼ିଆ ମହିଳାମାନେ ସଫଳତା ପାଉଛନ୍ତି । ‘ମିସ୍ ଇଣ୍ଡିଆ ୟୁନିଭର୍ସ’ କଣ୍ଟେଷ୍ଟରେ ସର୍ବଭାରତୀୟ ସ୍ତରରେ ଦିଲ୍ଲୀରେ ପ୍ରଥମ, ଜୟପୁରରେ ଦ୍ବିତୀୟ ଏବଂ ମରିସସ୍ରେ ତୃତୀୟ ସ୍ଥାନ ଅଧିକାର କରି ଓଡ଼ିଆ ଝିଅମାନେ ରାଜ୍ୟକୁ ଗୌରବାନ୍ଵିତ କରିଛନ୍ତି । ମହିଳାମାନେ ଗୃହିଣୀ ଭାବେ ଘରର ସମସ୍ତ କାର୍ଯ୍ୟ ସୂଚାରୁରୂପେ ସମ୍ପାଦନ କରନ୍ତି । ତେବେ ଯଦି ଶାରୀରିକ ସୌନ୍ଦର୍ଯ୍ୟ ଓ ମାନସିକ ଦକ୍ଷତାରେ ଅଗ୍ରଣୀ ଅଛନ୍ତି, ତେବେ ସେମାନଙ୍କୁ ପ୍ରୋତ୍ସାହିତ କରିବା ଉଚିତ ବୋଲି, ଫ୍ରାନ୍ଚାଇଜ୍ ଓନର ଅଫ ହେଡ୍ ଟଣ୍ଟର ସାଲୋନ୍ର, ଓଡ଼ିଶା ଷ୍ଟେଟ ଡାଇରେକ୍ଟର ଏସ୍. ଝୁଣ୍ଟି ହୋତା କହିଥିଲେ । ଏହି ସୁନ୍ଦରୀ ପ୍ରତିଯୋଗିତାରେ ପ୍ରଣୟ ଜେଠୀ କ୍ରିଏଟିଭ୍ ହେଡ୍ର ଭୂମିକା ନିର୍ବାହ କରିଥିଲେ ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ